بالصور: تامر حسني يشارك بالحملة التي أطلقها الهلال الاحمر لإغاثة ضحايا ليبيا والمغرب

أعلن الفنان المصري تامر حسني عن مشاركته في الحملة التي أطلقتها جمعية الهلال الأحمر المصرية لإغاثة المتضررين من الزلزال المدمّر الذي ضرب المغرب وإعصار دانيال وفيضانات ليبيا والتي راح ضحيتهم الآلاف من القتلى والمفقودين والجرحى.

ونشر تامر حسني عبر حسابته الرسمي على مواقع التواصل الاجتماعي مجموعة صور لمشاركته في إغاثة المتضررين بالمغرب وليبيا، وعلّق عليها بمنشور دعا فيه جمهوره للمساهمة في دعم المنكوبين في البلدين.

وقال الفنان المصري في منشوره: "مساء الخير عليكم... شبابنا وكل أهالينا في مصر طبعاً كلنا شوفنا اللي حصل في المغرب وليبيا وأكيد كلنا في أشد حالات الحزن ونفسنا نعمل حاجة. كلامي للّي قادر... واللي مش قادر جزاه الله كل خير لو كثّف الدعاء لأهالينا وإخواتنا".

وتابع تامر حسني: "مش هطوّل عليكم... يا جماعة عندنا في مصر جمعية الهلال الأحمر المصري بجد ناس ليهم الجنة إن شاء الله أنا فخور بيهم أوي وبحبهم أوي من كل قلبي، دول ناس رحيمة وهبوا حياتهم لخدمة الإنسانية وكل يوم عندهم شباب جميل متطوع لخدمة الإنسانية، الحقيقة إن أنا بمشيئة الله دايماً معاهم في كل أزمة بتقابل مصر أو أي شعب عربي بس أكيد أنا مش كفاية".

وأكمل القول: "أتمنى من كل مصري إنه يهتم بالجمعية العظيمة الرحيمة دي ويحاول يقدّم أي دعم ولو بسيط ليهم، وأتمنى إن اللي ميعرفهمش يحاول يعرفهم كويس عشان لو عرفهم وعرف دورهم وإزاي بيخاطروا بحياتهم عشان سلامة وإنقاذ البشر هيبصلهم بنظرة عظيمة تانية"