فيديو: كواليس إنهاء حسن شاكوش خلافه مع طليقته ريم طارق

تابعنا أيضا عبر فيسبوك facebook.com/alwatanvoice

تصدّر نبأ انهاء الخلافات والتراشقات التي نشبت بين حسن شاكوش وطليقته ريم طارق حديث منصات التواصل الاجتماعي، حيث تساءل الجمهور عن كواليس التوصل إلى حلول إنهاء الخلاف بالتراضي بين الطرفين.

ورد حسن شاكوش قائلًا: أنا أولاً بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا.

وأردف حسن شاكوش: "مع إن ده كان مأثر عليّا نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايمًا بخير".


لترد من جانبها ريم طارق على حسن شاكوش، قائلةً: أنا كمان بتمنالك كل خير يا حسن وأكيد احنا حبايب وعايزة أقول حاجة للمتابعين للمشكلة بتاعتنا من الأول إن بلاش أي حد يدخل في مشاكلكم الشخصية حتى لو أقرب الناس ليكم لأنهم من كتر حبهم ليكم ممكن المشكلة تزيد مش تتحل، وده اللي حصل معانا أنا وحسن يمكن لو كانت المشكلة بينا بس كانت اتحلت من بدري وأنا كمان بشكرك يا حسن وأنت وعدت ووفيت لله الأمر من قبل ومن بعد.

طالع.. حسن شاكوش يكشف سبب أزمته مع ريم طارق