الشيف هالة صدقي تنهار بالبكاء في ظهورها الأول بعد وفاة زوجها

تابعنا أيضا عبر تليجرام t.me/alwatanvoice

انهارت الشيف هالة صدقي بالدموع في ظهورها الأول بعد وفاة زوجها حيث عادت لتقديم برنامجها (ست الحبايب) على قناة (هي) محاولة التماسك أمام الجمهور.

وفي مقدمة حلقتها، نعت زوجها وهي متأثرة وقالت: "إيهاب مكنش بس جوزي ولا عشرة عمري كان أخويا وأبويا وابني، أنا اتجوزته وأنا صغيرة، أنا عشت معاه أكتر ما عشت في بيت أبويا".

وأضافت هالة فهمي: "لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا لكن غير اللي حاسه بيه دلوقتي، أنا الفترة اللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس اللي حواليا".

وتابعت: "أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون".

واختتمت الشيف هالة صدقي كلامها: "كنت أرجع وأفضل أحكيله، هو عشرة العمر وحبيب العمر، هتقولولي هو في مكان أحسن، وارتاح ويارب يجعل كل الآلم اللي كان فيه في ميزان حسناته".

وقد رحل زوج الشيف هالة فهمي قبل أسبوع بعد معاناة من المرض.