بسمة بوسيل تثير الجدل بعد مُهاجمتها مديرة أعمال تامر حسني

تداول رواد مواقع التواصل الاجتماعي تعليق بسمة بوسيل، طليقة الفنان المصري  تامر حسني على مشاركته بحفل زفاف مديرة أعماله هالة عمر.

وأثارت بسمة بوسيل حالة واسعة من الجدل بعد مشاركتها مقطع فيديو من حفل زفاف هالة عمر ضمن  خاصية "ستوري"عبر حسابها على موقع التواصل الاجتماعي (انستغرام) وعلقت قائلة: "حسبي الله ونعم الوكيل فيكِ".

واعتقد رواد مواقع التواصل أن انفصال تامر حسني وبسمة بوسيل جاء بسبب مديرة أعماله هالة عمر التي أقامت حفل زفافها يوم أمس.

ونشر تامر حسني مقطع فيديو من حفل الزفاف وعلق عليه: "لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها."

وتابع تامر حسني: "لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي إحنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة."

وأضاف تامر حسني: "وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب."

اقرأ أيضاً.. بالفيديو.. تامر حسني وبسمة بوسيل يحتفلان بعيد ميلاد ابنتهما


واستكمل تامر حسني: "فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله."

واختتم تامر حسني "ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله."