شاهد.. محمد فؤاد يتسبب ببكاء بسمة وهبة والأخيرة تُعلق

تابعنا أيضا عبر فيسبوك facebook.com/alwatanvoice

وشاركت بسمة وهبة جمهورها ومتابعيها عبر حسابها على موقع التواصل الاجتماعي (انستغرام) مقطع مصور تعلق خلاله على انهيارها أثناء سماعها أغنية "طمني عليك".

وقالت بسمة وهبة: "بص يا محمد يا فؤاد أنا بجد مش مسامحاك ومتشكرة ليك لأن الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".

وتابعت بسمة وهبة: "بحب ولادي و بشتاق لهم، بحلم اني أشوفهم وسعيدة لما بشوفهم، مش مسامحة أنك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم وأشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقتي إني كبرت لأن مشاعري مش بتتحمل، بيوحشوني أكتر من الأول وبشتاق لهم أكتر من الأول ونفسي أعيش معاهم أكتر من الاول".