منوعات

رضوى الشربيني تتأثر وتبكي لهذا السبب

2023-03-19

استضافت الإعلامية المصرية رضوى الشربيني، الداعية الإسلامية نيفين مختار في آخر حلقات الموسم السابع من برنامج هي وبس عبر قناة (CBC) سفرة.

وقالت رضوى الشربيني خلال الحلقة: "اتكلمي مع ربنا وادعي له باللي انتي عايزاه في الدنيا والآخرة، اتكلمي معاه عن الناس اللي سابتك وسابت حياتك وتوفاها الله، وأد إيه هما وحشينك، وهو هيصبرك ويربط علي قلبك، كلميه عن أذية الناس ليكي."

وتابعت رضوى الشربيني وهي تبكي: "حاولي تسامحي وتعدي واعرفي إن الدنيا لاهي سوداء اوي ولا بيضاء اوي، ولا هتفضلي حزينة طول الوقت أو مبسوطة طول الوقت، أو فاشلة او ناجحة المهم أن تتذكري دائما يقيني بالله." وفق (صدى البلد).

وأكدت رضوى الشربيني أن العبادة والدعاء إلى الله سبحانه وتعالى سيحقق ما نتمناه، وأن رمضان كان السبب في ظهورها منذ 7 سنوات، حيث أنها أطلت على الجمهور من خلال هذا البرنامج بعد دعائها في رمضان.

اقرأ أيضا.. كيف علّقت رضوى الشربيني على تصرف عروس حسن شاكوش؟

وطالبت رضوى الشربيني، الفتيات بالعمل مهما كان الموقف الصعب الذي تمر به، سواء كانت مريضة او مقهورة أو حزينة، أو أيا كان السبب، وقالت: "أنا باشتغل طول الوقت، فالعمل عبادة، وعندي يقين تام أنه لو اتقفل باب فيه ابواب تانية بتتفتح، وشهر رمضان جاي، ادعي له يارب افتحي لي باب وعشرة وعشرين."

واختتمت رضوى الشربيني، الحلقة برسالة خاصة لجمهورها قائلة: "أنا احترمكم قبل ما أكون بحبكم، وانتوا كلكم ليكم فضل كبير عليا طول اليوم، وكل يوم لمدة 7 سنين، وباشكر ربنا عليه، ولكم مني كل الحب والتقدير."