تفاصيل جريمة خطف ممرضة وهتك عرضها على يد سيدة وزوجها في مصر

رام الله - دنيا الوطن
نشرت وسائل إعلام محلية مصرية، نسخة من التحقيقات في جريمة خطف ممرضة وهتك عرضها على يد سيدة وزوجها بأطفيح إحدى مراكز محافظة الجيزة.

وقد أمرت جهات التحقيق بإحالة سيدة وزوجها للمحاكمة الجنائية لاتهامهما بخطف ممرضة تدعى زنوبة، باستدراجها لمسكنهما والاعتداء على المجني عليها بالقوة، بأن كبلاها وحسر عنها المتهم الأول ملابسها عنوة واستطالت يده لمواطن عفتها، وصورها بملابس داخلية.

وفي التحقيقات، أقرت المتهمة نجلاء.ع تبلغ 26 سنة وتعمل عاملة نظافة بعيادة طبية، أنها برفقة زوجها اعتديا على حرمة الحياة الخاصة بالمجني عليها بأن التقطا صورًا لها في مكان خاص مسكنهما بغير رضائها بهاتف محمول مملوك للزوج المتهم الأول. وفق (القاهرة 24)

وقالت المتهمة نجلاء بالتحقيقات: اللي حصل إني أنا وزنوبة شغالين في عيادة دكتور نسا وتوليد ومن فترة حوالى 3 سنوات جبنا أنا وزنوبة ملابس داخلية وكنت أنا بقيس الملابس دي في العيادة، وبعدين زنوبة صورتني بالموبايل الشخصي بتاعها، وأنا كنت موافقة وبعدين زنوبة هددتني بالصور اللي معاها.

وأضافت المتهمة نجلاء بالتحقيقات: أنا كنت ظاهرة في الصور بالملابس الداخلية، وقالتلي هوري الصور دي لجوزك ومن حوالي 20 يوم تقريبا زنوبة كانت في العيادة وكانت جايبة ملابس داخلية، وكانت بتغير هدومها وأنا صورتها بالملابس الداخلية برضه وهي شافتني وما اعترضتش وبعدين جتلى البيت يوم الخميس الموافق 15 / 9 / 2022 الساعة 6 المغرب تقريبا، وأنا قولتلها امسحي الصور اللي عندك اللى أنا ظاهرة فيها بالملابس الداخلية وأنا همسح الصور اللي معايا ليكي.

وأكملت: بعدين أنا طلبت منها تفتح التليفون بتاعها، وهي رفضت وبعدين رحت رمياها على الأرض وحطيت بلاستر على بوقها عشان متصرخش والناس تسمع صوتها وبعدين روحت مقلعاها هدومها وروحت مصوراها فيديو على التليفون بتاع جوزي عبد المحسن، وبعدين روحت شلت البلاستر اللي كان على بوقها وجبت ليها مياه بسكر.

وتابعت: بعدين طلبت منها تمسح الصور وبرضه موافقتش وبعدين كانت لابسه خاتم وحلق راحت قلعتهم وسابتهم عندي في البيت وخرجت في الشارع وصوتت، والناس اتلمت والحكومة جت قبضت عليا انا وجوزي واخدونا على المركز وجابونا على هنا وهو ده كل اللي حصل.

وجاء بأمر الإحالة أن المتهمين خطفا بالتحايل المجني عليها بأن استدرجاها لمكان مسكنهما بزعم مرض المتهمة الأولى، قاصدين من ذلك إبعادها عن أعين ذويها وقد اقترنت تلك الجناية بجناية أخرى بالاعتداء على المجني عليها بالقوة بأن كبلاها وحسر عنها المتهم الأول ملابسها عنوة، واستطالت يده لمواطن عفتها.

كما سرقا المجني عليها بطريق الإكراه الواقع عليها بأن كبلاها وتعديا عليها ضربا إبّان ارتكاب الوقائع فتمكنا بتلك الوسيلة من شل مقاومتها، والاستيلاء على منقولاتها.