بدرية طلبة لياسمين عز: انتي كده بتوقعي بين الأزواج انتي خليتينا نكلم نفسنا

رام الله - دنيا الوطن
دفعت تصريحات  الإعلامية المصرية ياسمين عز، الفنانة بدرية طلبة للرد عليها عبر صفحتها الرسمية بموقع التواصل الاجتماعي (فيسبوك)، لتكشف عن رأيها في تصريحات ياسمين عز. 

ووجهت الفنانة بدرية طلبة رسالة إلى الإعلامية ياسمين عز، بعد نصائحها الأخيرة التي توجهها للنساء عن معاملة الرجل المصري، خلال إحدى حلقات برنامجها "كلام الناس".

وقالت بدرية طلبة بسخرية من كلام  ياسمين عز "إيه يا ياسمين إحنا ماشيين بالعلاج، كل واحدة فينا فيها اللي مكفيها، اللي متجوزة ومستنياها تقول يا أستاذ محمد فيها اللي مكفيها، بدل ما تطول في المد بالألف مفيش وقت الناس بتكح تراب وانتي جاية تقولي لها مدي بالألف."

وتابعت: "الكلكيعة اللي في قلبي منك زادت".

واختتمت رسالتها لـ"عز": "شفنا دلع كتير لكن أول مرة اسمع واحدة تدلع زوجها بمد في اسمه أحمااااااد، محماااااااد.. لو قلت لجوزي كده هيديني بطبق الملوخية، انتي كده بتوقعي بين الأزواج، ممكن يكون قصدك خير لكن النتيجة تأتي عكسية، لا وقت للدلع المرق، انتي يا ياسمين خليتينا نكلم نفسنا".

وكانت الإعلامية  ياسمين أثارت جدلًا كبيراً عبر منصات التواصل الاجتماعي، بسبب تصريحاتها عن المرأة والرجل، ومعاملة كل منهما الآخر، ووجهت نصيحة للنساء: "ليه بتنادي على جوزك كده يا محمد حاف مثلا؟ قولي لجوزك يا أستاذ محمد.. يا أستاذ محمد تحب تشرب إيه؟.. مفيش حاجة اسمها محماااا لغوها خلاص.. ما تاكليش آخر حرف من اسم الراجل بعد إذنك".