شاهد: ريهام سعيد تعلق بطريقتها الغريبة على أزمة منة شلبي

شاهد: ريهام سعيد تعلق بطريقتها الغريبة على أزمة منة شلبي
الإعلامية ريهام سعيد
خرجت الإعلامية المصرية ريهام سعيد  عن صمتها، حيث قررت الرد  للمرة الثانية على أزمة الفنانة منة شلبي بعد قضية القبض عليها بسبب حيازتها لمواد مخدرة بعد وصولها لمطار القاهرة قادمة من نيوبورك.

وقالت ريهام سعيد في بث مباشر نشرته عبر حسابها الخاص على موقع التواصل الإجتماعي (فيس بوك): "أنا معلقتش على الأزمة غير بالكلام عن الستر لأنها بنت في النهاية، مع إنه الفنانة منة شلبي مش بتحبني على فكرة وقالتلي كدا في وشي وأنا احترمت صراحتها ورغم كدة دافعت عنها في أزمتها الأخيرة لأني حاسة بالمعاناة إللي عاشتها في القسم والنيابة..كلنا لدينا أخطاء و معاصي في حياتنا الستر حلو ربنا يعافينا جميعا يارب ".

و أضافت سعيد" كانت حاجة صعبة لما تلاقي حد حاطط الباسبور بتاعها.. دا تدخل في الحياة الخاصة، أنا انتقدت الدفاع عن المخدرات ومجبتش سيرة منة خالص واتفاجئت ان كل الصحافة بتقول إني بهاجمها أنا بهاجم الدفاع عن المخدرات".

و يشار إلى أن الإعلامية المصرية كانت قد علقت على أزمة القبض على الفنانة منة شلبي خلال حلقة برنامجها "صبايا الشمس"، حيث قالت: "أنا مش عايزة اتطرق ومش هجيب سيرة اي حد ولكن لما أي حد يطلع البرنامج هو بيطلع برضاه علشان يؤثر في الرأي العام.. اللي بيحاول يدافع عن فنان أو فنانة معينة ويطلع يقولك أصل الماريجوانا دي مش مخدرات هو ده اللي خطأ لأن ابني بيتفرج عليك وتطلع تقوله أن نسبتها مصرح بها في الآخر ولكن في الآخر دي مخدرات لو ملهاش أثر أنها تبقى إدمان ولكن لها أثر نفسي وهي كيمياء تدخل المخ مينفعش اطلع أقول أنها عادية ودي رسالة مش علشان ادافع عن حد أوصل رسالة للناس كلها خطأ".



 


التعليقات