شاهد: نرمين الفقي حديث السوشيال ميديا بسبب انفصالها عن خطيبها بطريقة غريبة

تناقل رواد مواقع التواصل الاجتماعي مقطع فيديو قديم خلال ظهور الفنانة المصرية نرمين الفقي في أحد اللقاءات برنامج "بيت العيلة"، مع الإعلامية نجوى إبراهيم، حيث كشفت من خلال حديثها أثناء اللقاء عن أسباب فشل خطوبتها.

وقالت الفقي: "أول مرة جه هو ووالدته يتقدموا في بيتي اللي في القاهرة وبيتي صغير، و قالت لي إيه ده أنا مكونتش متصورة إن نرمين الفقي ساكنة في شقة صغيرة بالشكل ده، فوالدتي قالت لها إنها شقة والدتها، طيب وانتوا بتعملوا إيه بالفلوس اللي معاكو، مش تعملي لنفسك فيلا كبيرة، أنا قلت هدخل ألاقي بيت محصلش".

و أضافت" ابنها كان حد كويس أوي وكنت مبسوطة من علاقتي بيه لأنه كان إنسان لطيف، وبعدها عملت ليها عزومة أكل ومكنتش لحّقت أغيّر هدومي بعد الطبخ، وأنا بسلم عليها قالت لي: إيه ده انت هتطلعي بريحة البصل دي وقلتلها هدخل أغير هدومي الأكل خلص".

وأوضحت: "بعدين عزمتهم في فيلتنا في الإسكندرية، وقلت لها ده بيتنا اللي كنتي عايزة تشوفيه، وكتر خير جدّتي إنها ادّتني شقتها عشان أعيش فيها في القاهرة، وعادي جداً إني أعيش فيها، وبعدين بلّغتها إني مش موافقة".

و يشار إلى أن آخر أعمال نرمين الفقي، هو مسلسل "الكبير أوى 6" الذي عُرض ضمن الموسم الدرامي الرمضاني 2022، حيث ظهرت فيه كضيفة شرف بشخصيتها الحقيقية.