شاهد: راغب علامة يكشف لأنغام عن أسرار غريبة في أغنية "ياريت فيي خبيها"

و قالت أنغام لراغب خلال اللقاء: "مفيش بداية أحلى من كدة، أنت عندك الغنا السهل الممتنع، فيه ‏حاجات حلوة كتير بتطلع بمنتهى السلاسة، بتقدر تربط بين حياتك والمزيكا، ودخلت قلبي من أول غنوة".

و رد عليها راغب قائلًا: "ياريت في أخبيها لحنتها وأنا نايم، ‏كان معايا الكلام، والشاعر كان مصر إني ألحن، قولتله مش بلحن، قالي أنت شخصيتك وطريقتك لازم تلحن، ‏فأنا حكيتله رح أحاول و حاولت، وابتديت ألحن، وكان معايا شريط صغير وأسجل وكنت أروح أسمع، وتاني يوم نفس الشي".

و أضاف علامة" لغاية في يوم كنت بقبرص سنة 1983، وبقيت خجول من الشاعر علشان معطيني الأغنية وهو مصر إني ألحنها، معرفتنش ألحن لفترة، روحت ‏نمت وأنا متضايق، صحيت الصبح لحنتها وغنيتها كلها وأنا نايم على المخدة، وسجلت على طول وعملت كل ‏حاجة، ومكنتش عايز أكسفه وأكسف نفسي، ومكنتش بفكر في التلحين، والشاعر جابلي أغنية تانية علشان ‏ألحنها، وقلبي عشقها من أكتر الأغاني اللي عاشت ومش بتموت، ولحنتها في ثواني، وكانت كلماتها ‏مختلفة.‏

و تابع" أنا كل حاجة في حياتي بسيطة، وربنا مديني حاجات في صوتي هي البساطة الصعبة، ومش بتتقلد، ‏ومحدش بيعرف يقلدها، وبتصرف في حياتي بكل بساطة، البساطة هي الجمال في الحياة".