شاهد: نادية الجندي تهاجم هذه الفئة بسبب ياسمين عبدالعزيز وتكشف سر خطير عنها

أعلنت الفنانة نادية الجندي عن كرهها و استيائها الشديد لما تعرضت له الفنانة المصرية ومواطنتها ياسمين عبد العزيز من حروب في الوسط الفني مشيرة إلى أنها من أطيب الشخصيات ولها موهبة مميزة في التمثيل.

وقالت الجندي خلال حلولها ضيفة في برنامج"حبر سري" مع الإعلامية أسماء إبراهيم: "أنا بحب ياسمين عبد العزيز وهي من أقرب أصدقائي؛ لأنها شخصية لذيذة ومن أطيب الناس، وتعرضت لحروب غير طبيعية ودا حرام ومينفعش، يعني كلمة فنان لازم يبقى لها معنى عند الناس لأن الفنان دا إنسان رقيق وعلى خُلق ويبقى قدوة، مينفعش فنان يعمل كدا في زميل له".

وواصلت: "زمان كنت بشوف عماد حمدي بيتعامل إزاي مع فاتن حمامة وعمر الشريف، وكنت لسه داخلة التمثيل ومبتدئة في مجال التمثيل وشفتهم بيحبوا بعض إزاي وبيسألوا على بعض، ولو فنان تعب بيسألوا عليه، ولو حد جاله دور كان معروض على فنان تاني كان بيكلمه في التليفون ويسأله أنت رفضت الدور ليه؟ ويستأذن منه يعمل الدور ولا لأ، الكل كان بحترم الكل، وكانوا بيستأذنوا من بعض بشكل جميل جدًا".