شاهد: إلهام الفضالة وهيا الشعيبي تشعلان الحرب على بعض من جديد

عادت الحرب الكلامية من جديد على شبكات التواصل الاجتماعي بين الفنانتين الكويتيتين إلهام الفضالة وهيا الشعيبي وذلك بعد دخول الشعيبي إلى السعودية.

وقالت الشعيبي في مقطع فيديو مصور: "حسبي الله على من ظلمني وكان سبب بإبعادي هالفترة عنكم، وإذا انا غلطانة بحق أحد، تقلكم هيونة تحبكم، وتعتذر من قلبها اذا فيه شي انا غلطانة فيه، أنا عبالي تشتكين علي ما بالعادة يعني، انت غلطتي، ما نصحتي، ومسجات معي وفويسات عندي، أنا عارفه حق منو اوري، وحق منو أسوي".

و أضافت" تشتري بضاعة مقلّدة من تركيا وتوحي لمتابعيها بأنها أصلية وللي عندي هذا، والله ما رح يطلع إلا برنامج قوي، بس هاه، خللي اسمع انا شنو قايلة، على طول وتوته".

و فاجأتها الفضالة وردت عليها قائلة: "الحين الاكاونتات الوهمية، كم واحد يقدر يسوي ثنين ثلاثة خمس؟ مو مليون واحد يدش! رحتوا حطيتوها علينا، رحتوا قلتوا أكاونتات وهمية، حق اتهامات الاطفال هذي، أنا وايد اكبر من شذي، أنا لولا قهر هالبنية، وللي ماسكة شغلي وأعمالي، لو ما قهرها وزعلها من اللي سمعته اليوم، ولا لاطلع اتكلم".





و أضافت" لكن تتهمين صديقتي اللي زايرتني وتتهمينها غرابة، ليش علشان منقبة، النقاب صار غراب؟ اذا ماتبي تحترميني واعرف ما تحترميني احترمي الضيفة الداشة ديرتج، غرابة وغرابة وسابة فيها ورايحة ديرتها، احترميها على الاقل، بس يابنت الحلال بس".

واختتمت الفضالة حديثها قائلة: "حتى سالفة الصحفي اللي سويتيها عندي المسجات والكلام اللي كاتبته وعندي كل شي، يافلانة خلص عاد لا تخلين السالفة تكبر أكثر من جذي، بس يسكت مرة وثنين وعشر، بس توصلين لعند ربعي وتهينيهن خلص".