شاهد كيف رد أحمد فلوكس على محمد رمضان بعدما سخر من والده

شاهد كيف رد أحمد فلوكس على محمد رمضان بعدما سخر من والده
أحمد فلوكس
هاجم الفنان المصري أحمد فلوكس مواطنه الفنان محمد رمضان وذلك بعدما سخر رمضان من والده الفنان فاروق فلوكس لتجسيده دور "صبي رقاصة".

وجاء هذا الهجوم بعدما تناقل رواد مواقع التواصل الاجتماعي مقطع فيديو قديم للفنان محمد رمضان ظهر فيه مع الإعلامية نجوى إبراهيم وهو يدافع عن نفسه بعد اتهامه بإفساد الذوق العام من خلال الأفلام التي قدّمها في بدايته الفنية، حيث قال حينها: "في كتير فنانين في بدايتهم الفنية عملوا أدوار من الممكن ميكونوش راضين عنها، وكمان في فنان كبير جسّد دور "صبي رقاصة" وأنا مستحيل أن أجسد هذا الدور".

 


بدوره، ردّ فلوكس على تصريحات رمضان من خلال منشور عبر حسابه الشخصي في موقع التواصل الإجتماعي (فيس بوك)، جاء فيه: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان".

و أضاف فلوكس" نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان".

و تابع" أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان".

واختتم حديثه حيث قال: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".

التعليقات