شاهد: حلمي بكر يكشف تفاصيل صادمة عن موت عبد الحليم حافظ

تابعنا أيضا عبر انستجرام instagram/alwatanvoice

و قال بكر: "أنا انتقدت بعض الأصوات لأنهم لا يرقون إلى أن يكونوا مطربين، و أنا ندمان على إن الناس اختارت هؤلاء وهيدفعوا الثمن بعدين، الثمن مؤجل في أولادنا اللي هيسددوا الفاتورة، وبكرة تفتكروا كلام حلمي بكر".

و أضاف" السوشيال ميديا بتخترع شائعات وكذب في إني أقفلت الخط والسكة في وجه أم كلثوم، الموضوع إن أم كلثوم طلبت من عبد الوهاب محمد إنه يتصل بيا وأنا كنت في الخارج، ولما رجعت قالي أم كلثوم طلبتك، ولما كلمتها قولتلها ألو ياختي قالتلي اخرس يا قليل الأدب، وأنا مسكرتش التليفون ولكني رميت التليفون من الرعب مش منظرة، محدش يقلب الحقائق".

وتابع" أم كلثوم بعدها قالتلي إديهولي عشان أربيه، وقولتلها بعتذر ولساني علق، ودي الحدوتة كلها، وكانت الأغنية معندكش فكرة، اللي غنتها وردة اللي قلبت الدنيا".

و أكد على أنه قام بتلحين 6 أغاني للفنان عبدالحليم حافظ، حيث قال: "المرحلة اللي اتقابلنا فيها مرحلة المرض، وكان قاعد معايا في الفترة الأخيرة، وكلمني قبل ما يموت بـ4 أيام وقالي جايبلك أغنية جديدة، طبيب عبد الحليم حافظ حب يغوص بالمنظار والمنظار كان تخين في المعدة لمنع تنافر الأوردة فخدش وريد منهم فنزف، ورجع الدم من بقه، وحطله بلونة فخنقته البلونة ومات فيها".

و لفت بكر إلى أن عبدالحليم مات في ميعاده لأنه لو عاش حتى الآن كان موته أصبح إنتحار، حيث قال: "عبد الحليم حافظ لما غنى أيام النكسة فقد ثلث جمهوره، ولكنه بعدها فاق وغنى "عاش اللي قال الكلمة بحكمة في الوقت المناسب"، و و قتها قال: "لن أغني لاسم مسؤول ولكن سأغني لأفعال المسؤول واستطاع أن يسترد جمهور".