تامر حسني ينشر صورة برفقة ابنتيه من حفله في إسبانيا..وما سبب خوفه؟

تابعنا أيضا عبر تليجرام t.me/alwatanvoice

وعلّق تامر على الصورة، قائلًا: "قبل صعودي المسرح للحفل الأسطوري لنادي الميريا بإسبانيا اللي هحكيلكوا كل تفاصيله في البوست القادم مش عارف انسى لحظة لما شافوني خايف عشان أول مرة أواجه جمهور إسباني بالكامل و مكنتش عارف إزاي هيستقبلوني فكان باين عليا التوتر ففضلوا جانبي طول الوقت و بيدعولي و بيقولولي متخافش يا بابا لحد ما نزلت كواليس أرض الملعب".

وأضاف: "متفائل بدعواتهم و طبعًا المفاجأة استقبال الجمهور الاسباني ليا و ليها بوست خاص، و طبعًا أستاذ آدم معانا بس كان نايم كالعاده عشان الوقت كان متأخر..ربنا  يخليكوا ليا يا فرحة عمري".

ونشر تامر بعد ساعات قليلة مقطع فيديو، عبر حسابه الرسمي على (إنستغرام)، موثقًا فيه لحظة وصوله إسبانيا والتقائه بجمهوره والتقاطه الصور التذكارية معهم، بالإضافة لكواليس الحفل حتى لحظة تقديمه على المسرح وبدء فقرته الغنائية.

وعلّق عليه قائلًا: "لما اتعرض عليا الحدث دا أول قرار أخدته شركتي إننا نعتذر لأنه جمهور إسباني مش عربي وجمهور كرة متعصب وبالطبع هيحتفلوا مع نجومهم المعروفة، وفجأة قررت إننا هنروح وقولت لنفسي بجملة التحديات الصعبة اللي بدخلها مع نفسي إني أشوف حجم محبتي وتأثيري الفعلي على الجمهور الأجنبي طوال تاريخي هل بالفعل في محبة زي ما بقرأ تعليقاتهم على صفحاتي على مستوى العالم أو هي معرفة قليلة بما إني بغني بلغة عربية ميعرفوهاش الحقيقة كانت بمثابة فرحة صادمة مش عارف استوعبها لهذه اللحظة".

وأضاف تامر: "كل شوية أرجع أشوف الڤيديو إن يستقبلني الجمهور الإسباني بكل هذا الحب وبنفس حفاوة البلدان العربية وعرب البلاد الأجنبية كان شيء مفاجئ ليا انه يطلع بالشكل دا من كبار سن وأطفال وشباب وبنات". 

وتابع: "شعرت إنها محبة منذ سنوات مثلما أشعر في أي بلد عربي وكل منهم يحاول أن يعبر بحبه باللغة الإسبانية وطبعاً كان نفسي أرد عليهم بالإسباني بنفس الحفاوة ولكن رديت بالإنجليزي وكام كلمة إسباني: (بشكر كل القائمين على الحدث العظيم دا وتمنياتي بالنجاح والصعود الدائم لنادي الميريا يوم وتحدي مش هنساه في تاريخي الفني (الحمدلله) ربنا بيعطي على قدر المجهود)".

ومن الجدير بالذكر، أن الفنان تامر حسني طرح ألبومه الأخير والذي يحمل عنوان (عشأنجي)، بتاريخ 23 تموز/ يوليو الماضي، وتضمن 9 أغنيات، وهي: (أحلى كلام، عشأنجي، ما بجيش بالطريقة دي، بعد مؤقت، سوحنا، زي الأيام دي، خدنا مناعة، سجل يا تاريخ، ليه طله)، من إنتاج شركة روتانا للصوتيات والمرئيات.