أستاذ الشريعة بجامعة الأزهر يتعرض لهجوم بسبب تصريحاته حول مقتل طالبة المنصورة.. ماذا قال؟

رام الله - دنيا الوطن
تعرض الدكتور مبروك عطية، أستاذ الشريعة الإسلامية بجامعة الأزهر، هجوماً كبيراً، جراء التصريحات التي أدلى بها في بث مباشر نشره في وقت سابق من اليوم الأربعاء، على صفحته الرسمية على (فيسبوك)، معقباً فيه على حادثة مقتل طالبة المنصورة، نيرة أشرف على يد أحد الشبان، معلنا أن لقائه هذا "ربما يكون الأخير بالجمهور".

وقال عطية، خلال البث المباشر: "هذا اللقاء الأخير وسميته لهذا وجبت الإجازة وقد أعود أو لا أعود، وسيبوني بقى أتكلم براحتي ده اللقاء الأخير؛ لأن اتعلمنا والطلبة اتعلمت أن هناك أخطاء بالبحث العلمي وهي النقل عن مصدر وسيط، فعند النقل عن مصدر أساسي جائز ولكن نقل من مصدر على مصدر سئ لتوافر المرجع الأصلي".

وكان عطية قد قال في تصريحاته: "الله يرحمها ويجيبله طعنة من فوق سبع سماوات وينتقم منه، ويكون في قصاص عادل يبرد نار أمها ووالدها.. لكن اللي راح راح خلاص، ولما المشايح تكلموا عن الحجاب سمعنا من يقول حرية شخصية، كويس، سيبي المهفهف على الخدود يطير والبسي محزق، هيصطادك اللي ريقه بيجري ويقتلك".

وأضاف: "المرأة والفتاة، تتحجب عشان تعيش، وتلبس واسع عشان متغريش، وغض البصر ده للرجال المحترمة، إنما انتي وسط وحوش، لو حياتك غالية عليكي اخرجي من بيتك قفة، لا متفصلة ولا بنطلون ولا شعر على الخدود، عشان وقتها هيشوفك اللي ريقه بيجري ويقتلك".

وتابع عطية: "دي خبرة من الدين للجتمع اللي عايز الشعر مهفهف واللبس مقمط، يهفهف عشان مين يشوفه يابت، والمحزق عشان مين يشوفه يا بت، إحنا في بيئة ما بتعتبرش، بنشوف كل يوم جرائم قتل وفظائع ومفيش فايدة.. حافظي على روحي خافي على عمرك.. هيقتلك عيل ميساويش كلب ياكله.. تخرجي من البيت وانتي عارفة خارجة ع مين، مش خارجة على مجتمع مودرن ومحتضر لا حواليكي كلاب وديابة".

واستطرد بقوله: "القاتل وجد أنه يتعاطى مخدرات وليس طالبا في ذات الكلية، وإنه عمل مشاكل قبل كدة مع البنت وحصل مجلس عرفي ومسح اللي نشره على صفحته بخصوصها.. يعني في علاقة قائمة على السوشيال ميديا.. يعني إيه واحدة تعمل صداقة مع فرقع لوز، العيال بتصدق، لو قالها وحشتيني وقالت له وانت كمان، يبات طول الليل مينامش، وهي بالنسبة لها كلمة مجاملة عادية".

واختتم عطية تصريحاته: "حاجتين أوصي بهما كل امرأة وفتاة.. وانتي خارجة من البيت البسي أوسع ما عندك، تخلصي من كل ضيق وغطي نفسك، داري عورتك.. هترضى ربك وتحفظي نفسك، إنما هتمشي بشعرك وتقوليلها حلو كدة يا ماما، هيشوفك اللي ماسك سكينة يا تطاوعيه يا يجيبك قدام الجامعة في الشارع.. صوني نفسك بقى وحافظي على عمرك والغي التليفون أبو كاميرا ده من الوجود".