شاهد: حمو بيكا ينهار من البكاء على الهواء مباشرة

عبَّر مطرب المهرجانات المصري حمو بيكا، عن إستيائه من التنمر الذي تعرض له عبر مواقع التواصل الاجتماعي، بعد حلقته في برنامج "حبر سري" مع الإعلامية أسما إبراهيم.

وكتب حمو بيكا عبر صفحته الشخصية بموقع التواصل الاجتماعي (فيس بوك): "يا جماعة ياريت نفهم ان انا موجوع و تعبان ، كفاية تنـمر عليا ، اتنـمر عليا مرة و اتنين و تلاتة و لسه فيه ناس بتتنمر عليا ..بتتنمروا عليا لحساب مين ؟! انا بني آدم زي زيكم و الله".



و أضاف بيكا" الاستاذ هاني حضرتك كنت في ندوة و اتنـمر عليا و انت اخويا الكبير و انا مسامح و الله بس كفاية بالله عليك، انا اه مش بعرف اقرا و اكتب بس ربنا خلقلي قلب احس بيه ، كفاية تجرحوني ، مش كل واحد يبقى عنده سلطة يتحكم في البشر ؟!".

و تابعت" انا 5 سنين بعاني و بعافر بس هما شايفين ان احنا مبسوطين و فرحانين ، لا انتوا اللي مبسوطين و انتوا اللي معاكم و معاكم كتيييير و عندكم كتيييير بس عمرنا ما بصينالكم .. هو ليه لما يكون معايا حاجه حد يبصلي فيها و عايز يأخدها ؟! ده غير مرضي اللي بدفعله في الشهر كتير اوي، حسوا بيا ، لو غلطت في حاجه تعالي و حاسبني و علمني الصح من الغلط.. فاتح بيت و عندي أسرة و عندي مسؤوليات كتير محدش يعلم بيها إلا ربنا".





و استكمل حمو بيكا قوله: "ارجوكم كفاية.. ياريت تحكموا بينا بالعدل زي ما ربنا سبحانه و تعالى بيقول : " وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ".. و كفاية تنمر عليا و افتكروا كلام ربنا : " يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ"، و في النهاية شكراً لكل حد بيدعمني و بيحبني".