شاهد: أحمد فلوكس يشن هجوم حاد على أشرف زكي

خرج الفنان المصري أحمد فلوكس عن صمته، حيث شن هجوم حاد على نقيب المهن التمثيلية في مصر الفنان أشرف زكي.

وقال فلوكس عبر مقطع فيديو شاركه مع جمهوره على تطبيق تبادل الصور (إنستغرام)، قال فيه: "أشرف زكي بيكلمني دلوقتي يقولي إنت بتقول إن أنا مرتشي صح، لأ أنا مقولتش إن إنت مرتشي علشان أنا عارفك إنت عايز تعمل إيه وطبعا بقى تطلع تعمل فاهم النمرتين والحبتين بتوعك والتحقيق والنقابة".

وأضاف" أنا مقولتش إنك مرتشي، أنا قولت إنت رحت حلقة وقبضت تمن مرواحك علشان تطلع تقول الكلمتين دول ولا إنت طلعت الحلقة لله، من الآخر فكك من حواراتك علشان حواراتك مش هتاكل معايا".

وتابع" هزعلك وهعريك وهفضحك قدام الناس وهفضح حواراتك.. اتقي الله وقوم اتحرك كنقيب بدل ما تعملي فيها مطبلاتي ولا بدل ما تعملي فيها بتاع السبع ورقات عشان دة مش هياكل معايا، حفضحك... إتحرك وهات حق الناس وهات حقي إنت سامع ولا مش سامع يا أشرف يا زكي".