شاهد: تامر حسني يلفت الأنظار بطريقة دعمه لهنا الزاهد

شارك الفنان المصري تامر حسني جمهوره عدة صور عبر حسابه الخاص على تطبيق تبادل الصور (انستغرام)، ظهر فيها وهو يدعم ويشجع الفنانة هنا الزاهد بعد مشاركتها له في فيلمه الجديد الذي يحمل اسم "بحبك"، وهو ما تفاعل معه الجمهور بشكل كبير.

و علق تامر على الصور قائلًا: "مساء الهنا على اغلى ناس على قلبي انا.. دي صور من اول يومين تصوير لفيلمنا الجديد (بحبك) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثي للرجل في احداث فعلاً محيره جدًا".





و أضاف حسني" الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور".

و تابع" و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي".







و من جانب آخر، فقد قامت الفنانة الزاهد بنشر صورتين من الكواليس وعلقت عليها قائلة: " اول مسلسل تقريبا مثلتوا كان مع تامر و دلوقتي بتعامل معاه في الفيلم مش ممثل بس و مخرج الفيلم.. شكرا على كل تفصيلة بتقولهالي ك مخرج. و على بجد مجهودك اللي بشوفوا قدامي .ان شاء الله يعجبكم و يكرمنا يارب".