عمر كمال :" جزمة هاني شاكر فوق رأسي"..فما مصير تعاونه الجديد

أصدرت نقابة الموسيقين المصريين قراراً، يفيد بإيقاف مؤدي المهرجانات عمر كمال، بسبب تصريحات وصفتها بالهجومية.


وشارك كمال عبر برنامج (يحدث في مصر)، للرد حول قرار الإيقاف، وعلق:" كنت في حفلة في واشنطن وكان في شوية جمهور عايزين يدخلوا الحفلة.. ولكن كان العدد مكتمل، والأمن منعهم من الدخول بسبب كورونا وحصلت مشكلة والأمن فضها، بعد كده لقيت إعلاميين بيقولوا دي خناقة بارات وخناقة شوارع ودول بتوع المهرجانات".


وأضاف عمر كمال: "طلعت أدافع عن نفسي في فيديو لايف عشان في حفلة من الحفلات كانت هتتلغي بسبب الكلام دا.. والناس قالولي إن حفلاتي مفيهاش أمن".

وتابع: "طلعت في الفيديو قلت إني راجل محترم وتعبت لحد ما أخدت فيزا أمريكا بعد شقا مفيش أصلا مواعيد، لقيت واحد بيقولي هاني شاكر هيمرجحك لما ترجع، قولتله لا أنا راجل محترم وهاني شاكر مش هيمرجحني هو بيمرجح اللي مش كويس"، موضحًا: "لقيت واحد تاني بيقولي هاني شاكر هيقطعلك تذكرة رجوعك لمصر قولتله لا يا حبيبي أنا المتعهد بتاعي قاطعلي تذكرة رجوعي لمصر".


واختتم عمر كلام حديثه، قائلا: "أرسلت رسالة للأستاذ هاني شاكر، قلت فيها جزمته فوق راسي، ومقدرش أغلط فيه، وبصراحة شديدة مندهش جدا من قرار الإيقاف، لأنني فنان بشرف بلدي".

وردا على تصريحات عمر كمال، قال أحمد رمضان سكرتير عام نقابة المهن الموسيقية: "الزج باسم الفنان هاني شاكر مرفوض من كل أعضاء المجلس، ولا رجعة في قرار إيقاف منح التصاريح بالغناء للمطرب عمر كمال، وإحالته للتحقيق، قرار الإيقاف تحفظي لأن عمر يحمل تصريحا وليس عضوية نقابة، والعدول عن القرار هو قرار مجلس نقابة".