عطية يوجه رسالة لأم تسمح لابنها بالنوم مع زوجته مرة أسبوعياً

رام الله - دنيا الوطن
رد مبروك عطية العميد السابق لكلية الدراسات الإسلامية جامعة الأزهر، على سيدة تشتكي من تصرفات والدة زوجها التي تمنع زوجها من المبيت معها طوال الأسبوع إلا يوم الخميس خوفاً على صحته، بأن هذا الأمر لا يرضي الله

وقال عطية في مقطع فيديو على قناته الشخصية على (يوتيوب): "إن هذا الأمر لا يرضي الله ورسوله ولا يرضي صاحب الوجدان، إحنا جوزنا الواد ونحمد ربنا إننا رزقنا ببيت ومغرمناش كتير ندورله على شقة ونسيبه يتهنى بمراته وهي تتهنى بيه، بقى زيه زينا واللي علينا عليه، وإذا كنتي عايزة تنصحي ابنك يبقى وشوشة في ودانه، اعمل حساب صحتك لو لقيتيه ضعف أو ظهر عليه شيء، لأن العلاقة بين الأزواج ليس صحيحاً أن تؤثر في الجسم سلباً، وإنما قد تؤثر فيه إيجاباً، وتغير دمه ويفوق".

وأضاف: "منيتي على ابنك بشقة تتحكمي فيه، البنت اللي جايبينها من عند أهلها تبات لوحدها، كانت في شقة والدها مع أخواتها ومع الضيوف، وبتجري وبتتنطط، ميصعبش عليكي حالها وهي قاعدة لوحدها مسكينة كإنها دافنة أهلها اللي ميتين وتصبح الصبح تنزلك تحت، وتاكل معاكي وتشرب اللي بتشربيه، تحكم وتضييق على البنت وده نوع من العذاب".

ووجه رسالة للسيدة التي تتحكم في ابنها وزوجته قائلاً: "تعرفي يا حاجة انتي كان ممكن تبقي مسلمة لو اليوم اللي روحتي تخطبيها وهي عرفت إنه هيبات معاكي وهي هتبات لوحدها وكل خميس هطلعهولها، إذا وافقوا كويس ولو لا الناس مغلطتش، كإنه عايش في شقة إيجار أو تمليك سيبيه وارحمي".