محمد صلاح يعلق على خماسية الأهلي في الزمالك

علَّق قائد منتخب مصر محمد صلاح، نجم ليفربول الإنجليزي، على مباراة القمة الأخيرة التي حسمها الأهلي بنتيجة (5-3) أمام الزمالك في بطولة الدوري المصري الممتاز خلال شهر نوفمبر الماضي.

وقال صلاح ردًا على سؤال وجهه له الإعلامي عمرو أديب (هو أي فريق يخسر 5 يتأثر معنوياً؟) عبر قناة "إم بي سي مصر" ضاحكا: "مش عايز أتدخل في الموضوع ده، موضوع حساس".

وأضاف: "قلت حاجة للاعبي المنتخب، وممكن الأهلاوية يزعلوا مني، في الآخر النتيجة 5-3، بس أنا متفهم عشان النتيجة كانت 5-1 فالناس كان في دماغها أن النتيجة كبيرة أوي".

وأتم محمد صلاح قائلا: "بس لما اتكلمت مع الأهلاوية والزملكاوية، النتيجة 5-3 في الآخر مش 5-0 أو حاجة، بس طبعاً الدنيا كانت كبيرة عشان النتيجة 5 بس".