أمين الفتوى المصرية يوضح موقفه من أغاني المهرجانات والراقصات في الأفراح

أمين الفتوى المصرية يوضح موقفه من أغاني المهرجانات والراقصات في الأفراح
أحمد ممدوح أمين الفتوى المصرية
رام الله - دنيا الوطن
قال  أحمد ممدوح أمين الفتوى المصرية، إن لم تغني الناس في الأفراح متى ستغني، ولاحتفال بالغناء وإظهار البهجة والفرح كله جائز.

وأضاف ممدوح في مقطع فيديو عبر قناة دار الإفتاء المصرية الرسمية على (يوتيوب): "هي اسمها أفراح، الناس لو مكانتش هتغني في الأفراح إمتى هتغني؟ والدرب بالدف، والاحتفال بالغناء وإظهار البهجة والفرح، كله جائز، لو ما احتفلناش في الأفراح هنحتفل امتى".

أوضح أمين الفتوى بدار الإفتاء، ضوابط وموانع تشغيل الأغاني في الأفراح قائلاً: "إحنا مش مغفلين، مش عشان قلنا جائز، تجيبلي فرقة مهرجانات، ومعاهم 2 رقاصات، ونقول أصل الغناء في الأفراح جائز، والغناء نفسه جائز، وإظهار الفرح والسرور جائز، لكن مش أن أنا أجيب رقاصة، وحاجات تغضب الله في الفرح".

علق الدكتور أحمد ممدوح قائلاً: "الموسيقى حلال، لكن لما أجيب موسيقى ومعاها راقصة، يبقى كده حاجة تانية، الغناء جائز، لكن الغناء بألفاظ خارجة، ومعاه موسيقى ورقاصة كده في جو آخر، وكمان الحاجات دي أحيانا معاها مستلزمات تانية، بتيجي في الأفراح الشعبية دون تفصيل، وده غلط، وجو آخر شيطاني".

واختتم أمين الفتوى بدار الإفتاء: "بشكل عام الغناء في الأفراح جائز، لأنه يجب الغناء في الأفراح لإظهار الفرح والسرور، لأن احنا مش هنغني في العزاء، هو جائز في الفرج لكن بضوابطه التي يجب مراعاتها في كل الأحوال".

التعليقات