منوعات

شاهد: هجوم راندا البحيري على حلا شيحة يشعل الوسط الفني

2021-07-18

قامت الفنانة راندا البحيري، بشن هجوم كبير على مواطنتها الفنانة المصرية حلا شيحة، وذلك بعد أزمتها الأخيرة مع الفنان تامر حسني بسبب كليب "بحبك" من فيلم "مش أنا".

وكتبت راندا، عبر حسابها على موقع التواصل الاجتماعي (فيس بوك): "طيب أنا رجعت في كلامي، وموافقة إن اللي عملته حلا شيحة ده حرام، ومكنش المفروض تصور الفيلم ده، وينفع تصرفي من فلوس حرام؟.. هاتي الفلوس بقى اللي خدتيها في الفيلم"، وفق (لها).

وكانت حلا شيحة، قد هاجمت مؤخرا الفنان تامر حسني بعد طرحه كليب "بحبك "من فيلمه الجديد "مش أنا" المعروض حاليا بدور العرض، وذلك عبر قناته على (يوتيوب)

وكتبت حلا، عبر حسابها على تطبيق تبادل الصور (إنستغرام): "أنا اتفاجئت جدًا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة، وخصوصًا بعد آخر بوست نزلته، ووضحت فيه أنا إيه".

وتابعت" اتفاجئت أكتر خصوصًا بعد وعد تامر حسني ليا، وتأكيده إنه حيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكد لي إنه هيحترم رغبتي".

وأكملت: "إحنا يمكن نجحنا بمقاييس الدنيا بس صدقوني بمقياس ربنا، إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح".

وتابعت" بتكلم من قلبي الكليب ده ميرضيش ربنا وأنا عيطت؛ لأني شفت نفسي في المشاهد دي، دي كانت زلة نتيجة ظروف مريت بيها، وكلنا بنغلط، ولازم نغلط، علشان إحنا بشر، بس المصيبة إننا بنغفل وبننسى".

وأضافت" أنا مش هتكسف من حد، أنا تبت من المشاهد دي، وهي لا تصح، وأنا غلطت، وبصلح، وأهم حاجة إن ربنا يرضى عني؛ لأن في الآخر ده اللي هينفعنا مش الشهرة، ولا النجاح لا هو مش نجاح أصلا؛ علشان النجاح الحقيقي حاجة تانية خالص، إحنا أغلبنا ناسينها إلا القليلين، الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".