شاهد: تفاصيل أول عملية فصل توأم ملتصق في مصر

شاهد: تفاصيل أول عملية فصل توأم ملتصق في مصر
الاعلامية منى الشاذلي
قالت الدكتورة المصرية عبلة، عند استضافتها في البرنامج التلفزيوني المصري (معكم منى الشاذلي):" انها أشرفت على أول عملية فصل توأم ملتصق، وهي كانت أول عملية ناجحة في العالم، وهو الطفل الوحيد الذي بقي حي".

وأضافت" كان عندنا منار واسلام، طفلين ملتصقين في بعضهم، احنا عشنا معاهم سنة، واسلام كان مش كامل، وحصل لها هبوط في القلب، وكان لازم ناخد قرار نموت اسلام عشان منار تعيش، أو التنين يموتوا، وكنا خايفين جدا، لأنه اغرب عملية في العالم".

وتابعت" احنا عملنا العملية، وماكنش طفل كامل، لكنه روح وله احساس، كان بيضحكلي ويعيطلي بنفس الوقت، وقررنا نعمل العملية، لانه لو سبناهم كانوا هيموتوا، واعضاء من اسلام هتتدمر هي واسلام، ودرسنا الموضوع واخدنا احتياطاتنا من الاشاعات وغيره، واخدت معنا 12 ساعة كاملة، ولكن اسلام ماتت ومنار عايشة".

واستطردت قائلة: "قعدت جمبها، والعالم اتقلب كله، وكنت أستقبل كل يوم ناس جاية ورايحة، وقنوات العالم منزلة عن كل دة، وتفاجئت رابع يوم الخارجية طلبتني، واتصل عليا بروفيسور، سألني إزاي قدرتي تعيشي شخص بيعيش بالكتير 12 ساعة، وانتي عيشتيهم 4 أيام".

 


التعليقات