شاهد: حفل لمشاهير (تيك توك) و(يوتيوب) يثير جدلاً بغزة

رام الله - دنيا الوطن
أثارت مشاهد فيديو، جدلاً واسعاً بين رواد مواقع التواصل الاجتماعي، إذ تظهر حفلاً لمشاهير (تيك توك) و(يوتيوب) في أحد المحال بمدينة غزة.

وتناقل الرواد مشاهد الفيديو، معبرين عن استغرابهم ورفضهم، لإقامة الحفل، فقال الشاب كريم جودة: "عيال التيكتوك كبرت في غزة، وصاروا يتجمعوا ويعملوا حفلات، ويسموها حفلة مشاهير غزة".

أما الإعلامي أحمد سعيد، عبر عن استغرابه من الفيديو قائلاً: "معقول شبابنا وبناتنا هيك، مشاهير غزة للأمانة فيديو صادم".

الصحفي محمد جربوع، سخر من الحفل قائلاً: "إيش قصة مشاهير (تيك توك) غزة، وحفلات وقصص وين الجهات المسؤولة عنهم؟ ما بعرف إذا بقدموا إشي منيح أو لا لأنه ما عندي حساب بس من فيديو الحفل أعتقد أنه محتواهم فخم جداً".

من جانبها، قالت الصحفية رفيف عزيز: "ماعنديش مشكلة في مشاهير غزة، وماعنديش مشكلة بحفلة تجمعهم وينبسطوا وهيك، بس مشكلتي بعرفش ولا واحد فيهم، هما مشهورين وين وكيف وليش وشو بيعملوا وبيقدموا؟ ولا عشان بيعرفوا بعض عالديق صار اسمهم مشاهير؟ ولاغيروا معنى مشاهير في اللغة العربية وصار أي واحد في خمسة بس بيعرفوه مشهور؟".