شاهد: القصة الكاملة لخلاف أحمد السقا وتامر حسني بسبب (بوستر)

حل الفنان المصري أحمد السقا ضيفا مع الإعلامية وفاء الكيلاني في أولى حلقات برنامجها الجديد (السيرة) المذاع على قناتي أبو ظبي و dmc ).

وكشف أحمد السقا خلال اللقاء عن إنزعاجه من الفنان تامر حسني بسبب فيلم الفلوس الذي تم عرضه العام الماضي وظهر السقا فيه ضيف شرف .

فقال: "أنا زعلان من تامر حسني ولحد الآن مقولتلوش إن أنا زعلان منه ودي أول مرة أقول رغم إني بحبه جدا ولو مش بحبه مش هزعل منه .. في فيلم الفلوس كلمني وقالي إنه عايزني أعمل معاه مشهد وهو الحقيقة كان جاملني في مسلسل ولد الغلابة" .

وتابع: "بعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش .. كلمته قولتله إيه اللي بيحصل ده مرة قالي دول فانز ومرة قال دول الشركة المنتجة قولتله أنا معرفش حد منهم يا تامر أنا معرفش غيرك .. وده أثر عليّا جدا نفسيا وفي شغلي".

وأضاف أحمد السقا: "لو تامر قابلني دلوقتي وقالي كلمتين حلوين خلاص هنتصافى بس زعلت لأنه ميصحش يعمل فيا كده .. هو كان بإيده يمنع الكلام ده بس واضح إنه كان مشغول أو ممكن يكون عداها وأنا مسامحك يا عم تامر" .


تامر حسني يرد على معاتبة احمد السقا له

ردّ الفنان المصري تامر حسني على معاتبة مواطنه الفنان أحمد السق له من خلال تصريحات أدلى بها فى برنامج “السيرة”، الذي تقدمه الاعلامية وفاء الكيلاني.

وقال تامر عبر خاصية الستوري عبر حسابه على إنستغرام: "حبيبي وأخويا وصديق العمر ونجم الدنيا كلها أحمد السقا، كنت أتمنى انك تكلمني بيني وبينك، ولو كنت زعلان من أي حاجة أو فاهم أي حاجة غلط، لأن الحجات دي لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك فى التلفزيون، الجمهور الكريم بقى ليه حق إنه يفهم الصح".

وأضاف تامر حسني: "عشان أفكرك بس، أنت كلمتني وقلت لي فيه خبر في موقع، وعليه صورة افتراضية للفيلم، وكاتبين أنك بطل في الفيلم، وأنا رديت عليك ان دي اجتهادات صحفية والصورة من تصميم محبين اللي أكيد فرحوا بالخبر اننا مع بعض، حتى أنا مقولتش إن دي الشركة المنتجة، لأنها شركة كبيرة، ولا يمكن تعمل كدا، لأن الفيلم متباع للخارج والداخل باسم أخوك تامر حسني، نزل والناس كلها شافته، وأنت مش فيه ولا فيه اسمك، كل الابطال طالعين مرسومين، ومعرفش زعلك من أيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة".