بعد تعرض زوجته للهجوم.. أوس أوس: "دمرتوها نفسيا"

رسالة قوية ومؤثرة من أوس أوس لدعم زوجته ضد المتنمرين وقال أوس أوس في رسالته لدعم زوجته ضد المنتقدين:" أنا مش محتاج أبرر واحكى أي حاجة عن حياتي، والست اللى قلبي اخترها كنت ساعتها فى أول موسم لتياترو مصر، كنا نتقاضى مرتبات مش ممكن تفتح بيت وأول ما اتجوزت كنت اقعد فى بيت إيجار، كمان انا بس هكتفى بالنقطتين دول علشان اصحاب العقول والنفوس المريضة يعرفوا ويبطلوا نغمة الفلوس بتعمل اكتر من كده".

وتابع أوس أوس:"ومش معنى انى بنزل اشتغل او بتصور وأنا مبسوط ده معناه إني هموت من الفرحة بس دى مهنتى وواجبى ناحية جمهوري انى اخرجه من اى حزن هو فيه كل ده بعمله على حساب حزني وجرحي ووجعي انا.. وفى الآخر بتشتم برضه! انا بقول الكلام ده ولن اسمح باى تدخل فى حياتى الشخصية مره أخرى سواء بالخير أو بالشر او دخول اسم مراتي فى اى كلمة من كلام المرضى النفسيين".