توقف عن تناول البيض بهذه الطريقة

حذرت سماح نوح رئيس قسم الإرشاد بإدارة الطب البيطري بمركز الشهداء في المنوفية بمصر من تناول البيض النيء، وذلك من خلال منشور عبر حسابها على موقع الفيسبوك.

وكتبت من خلال حسابها على الفيسبوك :" أوعى تاكل البيض ني أو نص سوى، أوعى تصدق أنها صحة أنك تشرب بيض ني على ريق النوم، والناس اللي هتقول الرياضيين بيعملوا كدا، هنرجع نقول إنهم طوال الوقت يتابعوا مع أطباء، وبيعملوا تحاليل وكشف دوري، ومش شرط أنهم بعيد عن الإصابات ممكن جدا تصابوا عادي المهم أن فيه احتمالية عدوى ولازم ناخد بالأسباب".

وأضافت: "البيض منتج مهم جدا في جدول الغذاء لكل الأعمار، ماعدا الناس اللي عندهم حساسية منه أو عندهم ارتفاع ضغط الدم عشان زيادة تركيز نسب الكوليسترول، البيض ممكن جدا يكون ملوث بأكثر من ميكروب زي السالمونيلا، وانفلونزا الطيورعارفين أن الطيور لها فتحة واحدة بس للإخراج، سواء بول مع براز أو بيض، اسمها فتحة المجمع، لو حصل إصابة بأنفلونزا الطيور مثلا بتبقى الفتحة دي فيها أعلى نسبة تركيز للفيروس".

وتابعت: "ولو حصل إصابة ببكتيريا السالمونيلا بردو بيكون الفتحة دي هي أخطر مكان لتجمع البكتيريا وقت نزول البيض يكون ملوث بالميكروبات دي وممكن كمان العدوي تيجي من العنابر، من كراتين البيض فلو مثلا حصل كسر في بيضة أو شرخ خفيف بتبقي الإطار إصابة وقت السلق الغير كامل أو مثلا بيض العيون الغير كامل بتبقي فيه خطورة من الإصابة بالتيفود أو الانفلونزا او التسمم الغذائي".