رضوى الشربيني تودع جمهورها باكية: "حاولنا نقول كوني زوجة عاقلة ودلوعة"

ودعت الإعلامية رضوى الشربيني، جماهيرها بكلمات مؤثرة، خلال الحلقة الأخيرة للموسم الثالث من برنامجها "هي وبس"، عبر فضائية "CBC سفرة". 

وقالت متحدثة عن محتوى برنامجها التي قدمتها طيلة المواسم الثلاثة الماضية: "حاولنا نقول إن الحب ده أحلى حاجة في الدنيا، لكن لازم العقل يوازن القلب، حاولنا نقول كوني زوجة عاقلة ودلوعة وصبورة وبلاش زن على مصروف البيت". 

وأضافت: "قلنا لكل بنت في ثانوي عام وإعدادي، بلاش تبتدي حياتك براجل مش عشان هو وحش، لكن لازم تكوني مالية مركزك وقلبك وعقلك وروحي، وإلا لو هنضطر نطلق ونغير الراجل لما نكتمل". 

ووجهت "رضوى"، رسالة لجمهورها باكية: "لو برنامجي مرجعش أنا بقيت متطمنة عليكم، لو عيطت في يوم فده من قلبي مش تمثيل ولو ضحكت وقعدت أهزر فده برضه من قلبي، لأن دي شخصيتي ومش همثل علشان أثبت إني مذيعة".