خطأ لعمرو دياب عبر الفيسبوك يثير السخرية:"شكلك مفرهد من الصيام"!

رام الله - دنيا الوطن
نشر المطرب عمرو دياب، على صفحته الشخصية بموقع التواصل الاجتماعي «فيس بوك»، دعاء «الْمُغْنِي»، دعاء اليوم الحادي عشر ضمن أدعية ألبوم «أسماء الله الحسنى» الجديد، الذي يعرض خلال أيام شهر رمضان.

وعلق عمرو دياب على الفيديو قائلًا: «جمعة مباركة»، مما أصاب جمهوره بحالة هستيرية من الضحك، وانهالوا عليه بالتعليقات الساخرة.

وقال أسامة: « النهارده الأربع يا عمور صحصح كدا أنت كويس وزي الفل بس مفرهد شويه من الحر»، وعلقت أمينة: « جمعة ايه ياهضبة أنا أقسم بالله شكيت في نفسى والموبايل بس التعليقات أكددت إن انهارده الأربع».

وغرد عبدالله: « هو مش انهاردة الأربع أجدعان ولا الهضبة يقول اللي هو عايزه عادي»، وعلق عبدالرحمن: « انهارده الأربعاء ولا الجمعه.. أنت لخبطني أنا عندي امتحان بكره».

وعلقت إسراء: «الصيام ده ولا إيه»، وقال محمود: « اصحي للكلام الهضبة النهاردة الاربع»، وغرد مايكل: « معلش الصيام مأثر عليه».

وجاءت كلمات الدعاء: «أنت اللى بتغنينا من فضلك بس يا رب.. وأنت اللي بتحمينا في الشدة ووقت الكرب.. أنت اللي بتنصرنا في الدنيا سلم وحرب.. أنت اللى بتسترنا لو ارتكبنا ذنوب.. وأنت اللى بتجبرنا وتخلينا نتوب.. أنت اللى مقوينا أنت اللى منجينا.. أنت اللى بترضينا ورضينا بالمكتوب.. أنت اللى في الأول وأنت اللى في الآخر يا رب رب قلوب».

الدعاء من كلمات مجدي النجار وألحان عمرو دياب، وتوزيع أسامة الهندي، وتبث الأدعية بشكل حصري على فضائية «ontv»، وذلك خلال أيام شهر رمضان.