شاهد.. أبو عوف يكشف تفاصيل تعرضه لـ "التحرش" في الأسانسير

رام الله - دنيا الوطن
داعب الفنان "عزت أبو عوف"، الإعلامية "رغدة شلهوب"، بعد أن سألته ماذا كان سيعمل لو كان فتاة، قائلاً "كنت قطعت كل الرجالة".

وأضاف خلال لقائه ببرنامج "100 سؤال" المذاع على فضائية "الحياة": "لو كنت أنثى لارتديت ملابس مثيرة ووضعت مستحضرات التجميل واختلطت بالشباب، وقطعت الرجالة كمان".

وتابع "مجربتش اني ابقى انثى لحد دلوقتي بس ربنا يستر، لكن الابهار حلو، واكيد مكنتش هبقى على منظري البشع ده حلو زيك".

وأضاف "تعرضت للتحرش من قبل امراة، وانا بخاف جدا من الحاجات دي، مرة حصلتلى في اسانسير في الشيراتون، معرفش ايه السبب، لاقتها هجمت عليا مرة واحدة، وحاولت ابقى صايع، وقولتلها يا هانم ميصحش كده، قالتلى انا عايزاك انت وراحت خبطتني .. وروحت جريت اول ما الباب اتفتح، وخبطت في اميرة زوجتي الحالية وقولتلها يلا نجري بسرعة".

واستطرد قائلاً "وكان بتحصلي حاجات كتير، وناس قطعت شرايانها بسببي، كنت هدخل السجن قبل كده، ومش عارف على ايه كل ده .. وفي مرة زوجة رئيس المخابرات الحربية لإخدى الدول هددتني بالسجن لو محبتهاش، وقلبت قطة وقتها، وخوفت، ووفي اليوم ده اما روحت الفندق، لاقيتها في اوضتى منتحرة، روحت لصديقي، وروحنا لشخص عارفينه، وتم انتهاء الامر وعالجنها، بس الامر لو كان اتعرف كان جوزها هينفخني".