بالفيديو ... أفضل طرق لمساعدة الطفل على التجشؤ

رام الله - دنيا الوطن - وكالات 
وهكلمكم عن افضل الطرق الي نخلي بيها اطفالنا يتجشؤ او يتكرعوا زي مبنقول ،الاول هشرحلكم اهمية التكريع او التشجؤ.. الاطفال وهما بيرضعوا بيدخل بطنهم هوا الهوا ده لو احنا مساعدناش الطفل انه يخرج بيسبب المخص والغازات للاطفال.

او حاجه وانتي بترضعي طفلك متستنيش لمه يخلص الرضعه كاملة علشان تكرعيه، وهو فنص الرضعه سواء طبيعي او صناعي خدية  وحطي راسه على كتفك، وطبطبي على ظهرة بالراحة وحاولي تكون راسه أعلى من مستوى بطنه ، لغايه ميطلع الهوا االي فبطنه، وبعدين كملي الرضاعه عادي.

وبعد انتهاء الرضاعه كرري نفس العمليه ، وخليكي صبورة واستني لغايه متسمعي صوت الهوا وهو خارج من بطنه، ولغايه ميقشط كمان.

وممكن كمان بدل متسنديه على كتفك تقعديه فحظنك واسندي صدرة ودقنه بايدك وميليه لقدام شويه،.وفي طريقة تانيه كمان، هي انك تحطي مخده على رجلك وتنيميه على بطنه وتدلكي ظهره بالراحه من فوق الهدوم طبعا لغايه ميطلع الهوا.

كمان متحاوليش وانتي شايله ترجيه جامد او تطبطبي بشده على ظهره علشان ميرجعش.

بعد كده لما بيكبروا شوية وتحديدا بعد الشهر الثالت من الولادة بتكون عمليه التجشؤ دي تلقائية ويقدروا هما لوحده انهم يطلعوا الهوا الي فبطنهم.

كده خلصلت حلقتنا النهارده ابعتولنا انتوا بتستخموا اي طريقه في تجشؤ اطفالكم وليه، وشاركوا المعلومه مع امهات كتير ....اشوفكم الحلقه الجايه