ليه البنات بتحب الولاد اللي بتضحك ؟؟

تابعنا أيضا عبر تليجرام t.me/alwatanvoice

الجميلة مارلين مونرو كان ليها جملة مشهورة بتقول “If you can make a woman laugh, you can make her do anything.” ( لو عرفت تضحك البنت حتعرف تخليها تعمل اي حاجة ! ) ... فأغلبنا عارف ان الولد اللذيذ الـ funny اللي بيكون في اي قعدة مصدر بهجة للناس , بيكون برضة مصدر أهتمام لأي بنت .. بس أشمعنا ؟!

سنة 2015 , أتعملت دراسة في Harvard Business School أثبتت إن السُخرية الـ Sarcasm تعتبر أعلي معايير الذكاء ! فالسخرية معتمدة في أساسها علي التفكير السريع الجرئ اللي لازم يتقدم في توقيت مناسب و شكل مناسب و مع اشخاص مناسبة عشان ينجح في هدفه ,, و هو ده ببساطة قمة الذكاء ... فمثلا ممكن اي حد يقول تعليق معين علي اي كلام و يعدي التعليق زي اي تعليق ! بس الشاب الذكي اللذيذ هو اللي بيعرف يختار بذكاء الظرف المناسب عشان يقول تعليقه فيكون في موضعه و في نفس الوقت مضحك و ممتع .. فالحقيقة مش كل الناس تعرف تبقي كوميديه ! .. بس برضة ليه البنت بتنجذب للشاب الساخر ده ؟؟

الدكتور Jeffrey Hall في بحثه عن علاقة كومدية الأشخاص و مدي تأثيرها في علاقتها باللي حواليهم و خصوصا البنات , بيقول ان سبب اعجاب البنت بالشاب المضحك بنسبة كبيرة ممكن يكون له أبعاد نفسية تطورية ,, فمن زمان أيام الانسان الأول و المخاطر و المجاعات , كانت الراجل بيكون هو اللي شايل هم توفير الاكل و الحماية للاسرة و عشان كدة بيكون موجود دايما تحت ضغط .. و ممكن يكون عصبي و عنيف ,, بس الراجل المضحك اللذيذ بيعرف وسط كل ده يستخدم ذكاءه في انه يخفف من حدة الظروف و يكون مصدر سعادة و فرحة لبيته و كل اللي حواليه .. فده يخلي اي ست تبص للراجل المضحك بانه عُملة نادرة ..

الفكرة في السخرية أنها مش اي هبل او ألش ساذج بيتقال و خلاص , لا الشخصية الساخرة بتبقي شخصية تقيلة بالرغم من خفة دمها , و هو ده اللي بيعمل السحر حوالين شخصيتها .. يعني هو عارف بيضحك مين و ازاي و ليه ؟! و حتي لما يقول التعليق الكوميدي مش بيقعد يبذل مجهود و تفكير و ياخد وقت عشان يضحك الناس , لا ده هو طبيعته كده , فالسخرية بالنسبة له جزء من شخصيته ,,

في النهاية في جملة بتقول Love is never measured by the times he made you laugh, but by the number of times he made you smile after you cried ( فالحب مش بيتقاس بعدد المرات اللي خلاكي تضحكي فيها , قد ما بعدد المرات اللي خلاكي تبتسمي وقت ما كنتي بتعيطي ) ... فـ أه الولد اللي بيضحكك شاب في غاية الذكاء و العبقرية , حد لذيذ جدا و يستحق انك تهتمي تقعدي معاه و تناقشيه و تتكلموا .. بس اللي يتسحق حبك مش مجرد بس إعجابك .. هو اللي مش مجرد بيضحكك ,, لا ده اللي بيحس بيكي و انتي متضايقة .. فحبي اللي بيحس حتي و لو مش بيضحكك ..