بالفيديو .. تعرفى عن طرق طهى وهرس وحفظ الطعام لطفلك الرضيع

تابعنا أيضا عبر تليجرام t.me/alwatanvoice

تعرفى عن طرق طهى وهرس وحفظ الطعام لطفلك الرضيع

هناك ثلاثه طرق
1- على البخار
2- السلق
3- فى الفرن 

لازم نعرف
ان فى حاجات بتحتاج اننا نسويها الاول وحاجات ممكن تتاكل من غير ماتستوى مثل( الموز والافوكادو والمانجو والكيوى.......... كل حاجة طرية ممكن تتهرس بسهولة)

1- التسوية على البخار 
ودة انسب طريقة للحفاظ على القيمة الغذائية للطعام ودية بنحتاج فيها حلة البخار وبعد مانسوى الاكل نستنى شوية يبرد قليلا ثم نهرسة فى الخلاط او بالhand blender ولو حبينا نخفف قوام الاكل واحنا بنهرسة ممكن نخفف بالماء اللى فى حلة البخار

- تعرفي عن انواع حلل البخار و كيف تصنعين بنفسك حله بخار في البيت بأدوات متوفرة لديكي

2- السلق
ودية سهلة اوى بس لازم نعرف ازاى نسلق الطعام من غير مانفقد القيمة الغائية للطعام

اولا نجيب حلة كبيرة ويكون ليها غطا ونحط فيها ماء يادوب ياخد 2 سنتى او 3 سنتى من الحلة

ونسبهم يغلو ونحط فيهم الخضار او الفاكهة او الفراخ ويبعد دقيقتان على النار نقلب نغطى ونوطي النار ونخلى بالنا كويس لاحسن الماء يتبخر كلة والاكل يتحرق و نقلب من ان لاخر ولو الماء تبخر قبل ما الاكل يستوى يبقى لازم نزود ماء بسيط لغاية مايستوى
و الخضار بيحتاج من 10 الى 15 دقيقة ليستوى
والفاكهة من 5 الى 10 دقائق
والفراخ من 30 الى 40 دقيقه
ولما تستوى نفتح الغطا ونسبها تبرد شوية وبعد كدة تهرس او تفرم فى الخلاطة بالماء اللى فيها عشان فية كل الغذا اللى نزل من الخضار اول الفاكهة عشان كدة مابزودش الماية

3- التسوية فى الفرن 
لو هانسوى خضار او فاكهة هانحط الخضار متقطع فى صنية ونحط عاليهم شوية ماء ونغطيها وندخلها الفرن 
بس انا مابنصحش بيها لاننا يا دوب بنحتاج نسوى كميات قليلة وغير كدة هاتخد وقت كبير عشان تستوى
اما البطاطا وقرع العسل 
دول افضل طريقة لطهيهم فالفرن
وفى طريقة تانية فى الفرن

لتسوية الفراخ او اللحم او الخضار بطريقة سهلة وفى نفس الوقت تحتفظ بجميع المواد الغذائة دون تبخر

التسوية فى الكيس الحرارى فى الفرن

ثانيا :
كيفية هرس طعام الاطفال
فى اطعمة او فاكهه لا تحتاج انها تهرس فى الخلاط ومن السهل هرسها بالشوكة مثل ( الموز و الافوكادو )

بعد مانسوى الطعام باى طريقة من اللى اتكلمنا عاليها قبل كدة فوق

1- على البخار
2- السلق
3- فى الفرن 

هانفرمها فى الخلاط او بالhand blender وممكن تخففها بماء السلق او الماء المجود بحلة البخار حتى الوصول للقوام المطلوب المناسب لعمر الطفل.

ثالثا :
كيفية حفظ طعام الاطفال

1- الحفظ فى الثلاجة
2- الحفظ فى الفريزر 

1- الحفظ فى الثلاجة
وممكن نحفظ الاكل فى الثلاجة فى برطمانات او علب محكمة الغلق ممكن يقعد يومين (48 ساعه) ولو هانستخدم علب بلاستك لازم نكو ن جايبين نوع كويس مابيتفاعلش مع الطعام عشان تحافظى على صحة طفلك

2- الحفظ فى الفريزر 

1- نوزع الاكل فى قوالب الثلج ونغطيها وندخلها الفريزر لغاية ماتتجمد

2- و بعد كدة نطلع المكعبات ونحطها فى الاكياس سهلة الغلق ونحفظها فى الفريزر ونطلع قبلها بيوم بالليل قبل النوم او قبلها بوقت المكعبات اللى هيكلها طفلك ونسخن الحاجات اللى بتحتاج تسسخن زى الخضار واللحوم  اما الفاكهه نكتفى انها تبرد خارج الثلاجة بفترة 

مكعبات طعام الاطفال آمنة للبقاء في الفريزر من 1 شهر الى 3 شهور لاكننا ننصح بانها لا تتعدى الشهر.

هناك بعض الاطعمة التى لا ينصح بتجمدها زى

جميع الحبوب المطبوخة لانها بعد تذويب الجليد عنها هاتكون قوامها مطاطى