اطلاق مكياج خريف ٢٠١٥ من ديور DIOR FALL 2015 MAKEUP

تابعنا أيضا عبر تليجرام t.me/alwatanvoice

خلونا نشوف الكوليكشن وتقييمه

Dior Addict
fluid shadow 
025 magentic 
هو عبارة عن شادو سائل باللون الفضي أول مره أجرب هالتركيبه
لونه قويييي وثااابت تحطينه وتتركينه كم ثانيه وينشف ومستحيل يتحرك 
حلو لو تحطينه ك آي لاينر خط رفيع فوق الكات آي الأسود أو على طرف خط الكحل الأسود
 او ممكن تستخدمينه بيس شادو للمناسبات فقط ما يناسب أبدا الصباح وشخصيا ما احطه ك شادو
قوي لونه بالنسبة لي لكن ك بيس او لاينر حلو وغريب كتغيير

السعر
١٥٠


Dior Vernis 
785
cosmopolite

مناكير ديور من مناكيري المفضلة تركيبتها جمييله وثقيله وتنشف بسرعة 
ممتازه لو وراك طلعة ومستعجله وتحتاجين مناكير ينشف بسرعة 
بس تحتاجين ترجعين تحطين منها بعد كم يوم لأنها تتقشع بسرعة مع الموية 
اللون جميل ويناسب أغلب درجات البشرات 
بالتصوير طالع أغمق شوي لكن درجته عنابي على لحمي شوي

السعر
١١٠


Dior Addict fluid stick 
499
Avant - Garde

روج سائل لونه لحمي 

أول مره أجرب من عندهم الروج السائل ، الروج تركيبته لمعه وفيه قلوس 

يعني مو مثل الروج السائل اللي يصير مات بعد ما ينشف 

مريح عالشفايف ويناسب الصباح لأن لونه جمييل لحمي 

مناسب للبشرات الحنطية والسمراء أكثر من البيضاء

السعر
١٣٠

5 Coulerurs cosmopolite
766
Exuberante

علبة شادوات جميلة شكلها لحالها جميل وألوانها أجمل 

جامعتلك الألوان اللحمية والبيج والبني والنيلي 

الاثنين اللي فوق مات مطفي بدون لمعة 

والاثنين اللي تحت بلمعة بسيطة 

واللي بالنص لمعته قوية 

الشادوات  ثابته وكريمية وما حسيتها تهر أو توصخ الميك اب مع الوقت

السعر
٢٣٠

DiorSkin Nude 

Cosmopolite 

001 

اضائة شكلها جميل ،أحب ان ديور تهتم مره بشكل المنتج ومو بس بالتركيبه 

الاضائة لحمية وهادية مررره حبيت انها مختلفه عن الاضائات اللي قد عرضتها لكم 

ما فيها لمعة قوية أو قلتر وهالشي يخليك تقدرين تستعملينها في أي وقت باليوم 

وما تلتزمين فيها فقط كاضائة مناسبات والجميل ان لونها مو فاتح مره مناسب 

للبشرات الحنطية او السمراء 
السعر
١٨٥

Sourcils Poudre

powder eyebrow pencil 

693

dark brown

بودرة حواجب على شكل قلم أول مرة اجرب قلم حواجب مو واكس او شمعي

القلم غالبا كثير ناس تخاف تستعمله لأنهم يحسونه يخرب شكل الحواجب 

لكن اشوف هالقلم ممكن تستفيدين منه لو حابه ترسمين الحواجب شعره شعره 

او تكثيف او رسم الأطراف او حتى رسم الحواجب لكن لااازم تكون يدك خفيفه معه 

لو كانت يدك خفيفه معه راح يرسملك الحواجب بشكل مريح وسريع 

السعر 
١٠٠