ما تسيبش حقك..اللى يضربك اضربه

رام الله - دنيا الوطن
لا يوجد ام الا وقالت لابنها ” ما تسيبش حقك..اللى يضربك اضربه ” خوفاً منها على تربية طفل جبان خائف لا يعرف ان يأخذ حقه بنفسه وخشية من مجتمع اصبح الوجود فيه للاقوى..فعندما يبدأ طفلك الدخول فى مجتمع كبير ويرى غيره من الاطفال سواء فى المدرسة او فى النادى او اثناء الخروج للتنزه فى الحدائق او فى اى مكان عام يجب ان نُعرفه انه سوف يقابل اطفال غيره سلوكهم غلط ويقوموا بتصرفات غير لائقة فلا يتوقع ان يكون فى مجتمع مثالى كل من هم حوله يتبعون نفس القيم و المبادئ فيجب ان تُعلميه كيف يتعامل مع الغلط خصوصاً اذا قام احد الاطفال بضربه او أخد لعبته او الساندوتشات منه فهل وقتها من الافضل ان يتدخل الاب والام ..ام يُعرفوا الطفل ماذا يفعل فى مثل هذة المواقف ويتركوه هو يتصرف؟!!..

بالطبع من الافضل ان نترك الطفل يتصرف بناءً على نصائح وتوجيهات الأب والأم لانهم بالتأكيد هم غير متواجودين معه فى كل المواقف.. ولكى نجعله يعتاد على كيقية التعامل فى المستقبل مع الناس الصالح منهم والطالح،، مما يزيد من ثقته فى نفسه خاصة لو ان تصرفه هذا اثمر بنتيجة واستطاع ان يحمى نفسه ويفرض احترامه على من حوله..اما دور الأهل هنا يكمن فى امتابعة ما يحدث واظهار الاهتمام بالطفل مع تقديم التوجيهات اذا لزم الامر ..

 ¬ لو حدث هذا وكان ابنى من سن 4 لـ 8 سنين :

ما تسيبش حقك..اللى يضربك اضربه

 اتكلمى مع طفلك وابّنى معه مبادئ وقوانين عامة ترسخ فى ذهنه تطبق عليه وعلى غيره من الاطفال.. فمثلاً قولى له:

1- لا تجعل احد يضربك ابدا ،وانت ايضا لا تضرب احد من اصحابك وإلعبوا مع بعض

2- لا تجعل احد ياخذ لعبتك منك ولا انت تاخذ لعبة من احد بل  العبوا سوياً و إشتركوا فى إلعابكم.. وفور الانتهاء من اللعب كل واحد ياخذ اللعبة بتاعته…

3- اذا حدث واحد ضربك او أخذ منك شئ تعال قولى .بس الأول قبل ماتيجى تقولى لازم تتصرف مع الولد اللى ضربك صح.. يعنى: لو حد من الاطفال ضربك قوله :“لو ضربتنى تانى هقول لباباك” ولو رجع وضربك تانى قوله: ” انا قولتلك لو ضربتنى هروح أقول لباباك ومامتك..وأنا دلوقتى رايح أقوله“..و روح وقتها لباباه وقوله بذوق: (فلان ابن حضرتك ضربنى ممكن حضرتك تيجى معايا وتقوله يبطل يضربنى..لو سمحت)

4- لو استمر الطفل فى اهانه ابنى غير مستجيب لاى مما سبق اجعلى ابتك يقول له : ” على فكرة انا ممكن اضربك بس الضرب ده سلوك مش حلو وانا مش بحب أعمله ولو ضربتنى تانى هضربك ومش هلعب معاك تانى” واجعليه يذهب ليّعرف والديه بان هذا ابنهم مستمر فى ايذائة برغم كل التحذيرات السابقة

5- ماذا افعل اذا كان الطفل مستمر فى عناده غير مبالى بكل هذا فى هذه الحالة يكون الفعل من جزاء العمل فاذا ضرب ابنك اجعلى ابنك يضربه ولا يلعب معه مرة اخرى…. وهنا ياتى دور الاهل للسيطرة على الموقف فمن الممكن  ان يتكلم الاب مع هذا الولد المستمر فى ايذاء ابنه ويقول له: ” انت ليه ضربت صاحبك فلان؟..لو عامل حاجة تضايقك ماتضربوش ممكن تيجى تشتكينى لان الضرب ده حاجة وحشة وسلوك مش كويس وانت شكلك ولد مؤدب والمؤدبيين مايعملوش كدا“ وفى مرة اخرى  ممكن يتكلم مع والد هذا الطفل ويقول له : ” ابنى دايما بيشتكى ان ابن حضرك بيضربه..ياريت تتكلم معاه وتخليه يبطل يضرب إبنى لانى اتكلمت معاه كذا مرة ومفيش نتيجة كدة اكيد فى حاجة معينة فى سلوك الولد محتاجة تخلى بالك منها ”

6- لا تنسوا فى كل مرة ياتى الطفل للأهل ويقص لهم ما حدث ..لازم يشجعوا تصرفه الحسن ويمدحوه لانه لم يسلك المسلك العدوانى لكنه عمل سلوك يُحترم وسمع كلام بابا وماما..

7- هذا التصرف مفيد للطفلين فالطفل الذى تصرف حسناً اكتسب خبرات فى التعامل مع الناس وفى المستقبل سيفرض احترامه على كل من يتعامل معاه…ايضا الطفل المضروب عاقب الطفل الذى قام بضربه وايضا لفت نظر أهله انهم يهتمون اكثر  بسلوك إبنهم لانه بذلك  سيخسر اصحابه

 ¬ لو حدث هذا وكان ابنى فى سن المدرسة اكبر من 8 سنوات  :

فى هذا السن يكون الطفل اكثر وعياً وادراكاً من المرحلة السابقة لذا سانصح ابنى يقوم بنفس التصرف السابق :

ما تسيبش حقك..اللى يضربك اضربه

1- يحذر زميله انه هيعرف المّدرس او المُدرسة او ناظر المدرسة.

2- ان لم يستجيب يذهب للمدرس ويقول له إن زميله ضربه

3- يقول لزميله ” انا مش بحب الضرب بس لو ضربتنى هضربك ومش هكلمك  ولا العب معاك تانى “

4- اذا استمر يقوم بضربه زميله و بالفعل لا يتحدث اليه مرة ثانية جتى يشعر بغلطته.

5- هنا تصرف الاهل هيكون مختلف طبعا فى الاول يشجعوا إبنهم على تصرفه مع زميله ولان فى المدرسة ممكن المُدرسة لا تبدى اهتماماً بالموضوع ولا تقوم بمعاقبة الطفل الغلطان ولا تفكر حتى تهذب سلوكه!! لذا يجب على الام ان تذهب للمدرسة وتقابل الطفل الذى قام بضرب ابنها وتتكلم معه وتنصحه لا يكرر ما فعل  وتعرف المُدرسة بالموضوع وان فى طفل بيضرب إبنها وتطلب منها الاهتمام

6- لو تكرر موضوع الضرب مرة اخرى من نفس الطفل يجب ان تطلب الام رقم أهل الولد سواء من الولد نفسه او من المدرسة وتتحدث الى والديه وتطلب منهم محاولة جعل ابنهم يكف عن ضرب زملائة فى المدرسة.

7-من الهام والضرورى جداً ان تعودى طفلك يحكي معك ما حدث طوال يومه فى المدرسة وإصغى له بإهتمام..