أزمة بين فتاة وخطيبها لعدم تقديمه العزاء في خالها.. الشاب: محدش عزمني.. ورواد " فيس بوك" يسخرون

رام الله - دنيا الوطن
أزمات كثيرة من الممكن أن يمر بها أي اثنين مخطوبين، خلال فترة الخطوبة، إلا أن الأزمة التي حدثت بين هذا الشاب وخطيبته تعد من الأزمات الأكثر غرابة، وهو ما جعل رواد «فيس بوك» يسخرون منهما، حيث طرح الشاب شكواه على إحدى مجموعات موقع التواصل الاجتماعى، قائلا إن خطيبته غاضبة منه بسبب عدم حضوره لتقديمه واجب العزاء لأسرتها في وفاة خالها، مستنكرا موقفها غير المبرر، من وجهة نظره، بسبب عدم قيام أي من أفراد عائلتها بـ«عزومته» لحضور العزاء، وطالب رواد «فيس بوك» بالحكم بينه وبين خطيبته.

وجاءت أبرز تعليقات النشطاء كالتالي:

مصطفى: معلش حضرتك اصلها كانت موته على الضيق وملقوش قاعة فاضية.

أسماء: ألو أستاذ محمد ازاى حضرتك عامل إيه ؟ أنا بعزم حضرتك على عزاء الأستاذ علاء الدين، هتشرفنا والله، عقبال والدك.

لولا: ما بالمرة كانت تبعتلك كارت دعوة معمول عليه شريطة سودا ومكتوب فيه ،عزينا شكرا، إنت اللى زيك مش هيموت موته طبيعية.

نانوشة: هو الموت في عزومة؟

ميدو: معندوش غلط مش معزوم هيروح يعزى ازاى هو هيرمى جتته.

تقوى: لا المفروض الميت يتصل يعزمك قبلها بيومين على الأقل دى قلة ذوق على فكرة.

صبوحة: معلش أصل العزا كان بالعدد وكان على قد العيله بس والله.

ياسر: على كده لو ما حدش عزمك يوم فرحك ممكن ما تروحش.. يخرب عقلك.

كريم: إيه يا واد الحلاوة دى يا وله.. هي بتقول تعالى افطر عندنا ولا عزماك على دريم بارك.

مروة: والله لو جيت كنت هتتبسط وهتشرب قهوة سادة، يمكن تفوق الله يخرب بيت اللى يناسبك.

نوال: زورونا تجدوا ما يغمكم.

بابا عبدو: معلش يا حبيبى كانوا لازم يعزموك انت وبابا وماما عشان تدخل عليهم ببطيخة. 

دعاء: والله مش بعيد لو عزمتك تدخل عليهم بتورته ما هو مش معقول تروح العزومة بايدك فاضية.

كريمة: أنا بيعجبنى الأيام دى الواد بتاع بابا وماما.. إنما حد يقول عزى يقولك ما حدش عزمنى.. اتنحرر ياض البت هتضيع منك.

عاطف: انت جاى تعزى ولا جاى تهرج لا أنا ما جتش أصلا.

تامر: ده زي اللي قال "أنا الريس حنفي أنعم وأكرم" رد عليه "وأنعم وأكرم ده اسم والدك".

لينا: هي المفروض تفسخ الخطوبة عشان لو اتجوزتك هتجيب عيال متخلفين عقليا.

عيودة: إنت لو أبوك علمك الأصول كنت عرفت إنك مش محتاج عزومة إنت خطيبها يا أستاذ يعني بقيت من العيلة.