شاب يروي تفاصيل اعتداء الفنان محمد رمضان عليه فى نزلة السمان

رام الله - دنيا الوطن
اتهم محمود طارق 25 عاما مقيم بنزلة السمان، الفنان محمد رمضان بالاعتداء عليه أثناء تصوير أحد أعماله الفنية بالمنطقة وتسبب له فى إحداث عاهة مستديمة فى وجهه.

وروى محمود تفاصيل الواقعة :”إنه كان واقفا خارج لوكيشن التصوير أواخر مايو الماضى بحكم عمله فى المنطقة حيث أنه يعمل ضمن الأسر التى تقوم بتأجير الأماكن للتصوير”، 

مضيفا:”كنت واقف بعيد ومحمد رمضان خارج من اللوكيشن يشتم ويزعق قولتله يا نجم متشتمش ومتعليش صوتك علشان فيه ناس سامعينك وعيب كدا زقنى وقاللى امشى ياد قولتله خلاص متزعلش منى عاوز اتصور معاك قاللى أنت مجنون وشتمنى بأبشع الألفاظ، وضربنى كسرلى التيلفون روحت ضاربه وبعد ما ضربته محسيتش بنفسى غير ووجهى كله دم وأنا فى المستشفى”.

وأضاف محمود طارق :’الفنان بيقول إنه اتكفل بمصاريف علاجى، لكنه مدفعش غير 11 ألف جنيه، والباقى إحنا اللى دفعناه ولسه عندى عملية فى مناخيرى هاعملها بعد شهر ومركب شريحتين فى وجهى”.

واختتم محمود كلامه قائلا:”هو محمد رمضان فوق القانون حسبى الله ونعم الوكيل”.