استمع لآخر تسجيل صوتى لسيدة الشاشة العربية فاتن حمامة قبل رحيلها بـ24 ساعه

رام الله - دنيا الوطن
نشرت "بوابة الاهرام" آخر تسجيل صوتى لسيدة الشاشة العربية فاتن حمامة التى غيبها الموت اليوم، وذلك فى حوار اجراه معها الزميل شريف نادى المحرر الفنى بالأهرام المسائى قبل 24 ساعة من وفاتها، والتى تناولت فيه قضايا السينما ورؤيتها لمستقبل مصر وحول امكانية عودتها للاعمال الفنية قالت : لما يتقدم لي حاجة كويسة قوي ساعتها الواحد ممكن يقدم عمل فني. 

وعن تقديم أعمال وطنية عن الفترة الأخيرة التي مرت بها مصر قالت مسيره يتعمل يتكتب كتير عن الفترة دي ويتعمل أفلام ولكن لازم نستنى ونشوف ايه اللي هيتقدم ممن سيكتبوهم. 

ورفضت الحديث بدبلوماسية عن ما يعجبها ولا يعجبها من الأعمال الفنية حيث قالت أنا مبعرفش اكدب ،وحاليا اتابع الاخبار عموما الناس قاعده علي التلفزيون عشان تعرف اللي بيحصل في بلادنا وأحوالنا وده اللي واخد عقل الناس وأنا اولهم. 

وتابعت الحمدلله بمسك الخشب احنا حاليا الاحساس العام فيه اطمئنان بدأ يصل للناس كلها، كلنا في فترة من الفترات قلقنا علي البلد. 

وأوضحت أن مشروع قناة السويس قالت :هيبقي حاجة هايله لو اتحقق لانه الفرحه ابتدت يوميها، وأول ما تسنح لي الفرصه هزور المشروع لان الجو برد وصحتي مش بطاله. 

وعن متابعتها للحركة الفنية قالت حاسة ان فيه أفلام صغيرة عملوها شباب كل الجرايد بيتكلموا عنها كويس قوي وأول ما تسنح لي الفرصة أو يجيلي فيلم منهم هقدر أكون فكرة عن اللي بيحصل وأنا كتير وعدوني أن هيجيني نسخ في انتظاره ان شاء الله، هيجيني نسخ عن هذه الأعمال. 

وفي تهنئتها بعيد ميلاد الأهرام المسائي الذي صادف اليوم قالت ان شاء الله في تقدم علطول والأهرام عموما نهاري أو مسائي دائما من الجرائد المحترمة جدا.