رأيت الناس قد مالوا

د ناصر الصوير
د.ناصر: آلو مين معايا ؟
المتصل: معاك مكتب رئاسة الوزرا
د.ناصر: أهلاً..آهلين ...يا مرحبتين
مكتب الوزراء: اختارك معاليه لمنصب رفيع .. مبروك
د. ناصر: ال الل الله يبببارك ...
مكتب الوزراء: خلص يا دكتور روح استلم المنصب فوراً مع السلامة... وأقفل السماعة.
معقول أنا صرت بهذا المنصب الرفيع... يمكن هذا الرجل بيضحك عليا ، كيف أتأكد كيف؟؟
ترن ترن ترن
د.ناصر: ألو مين معايا ؟؟
مبروووك يا دكتور سمعنا الخبر السعيد في الراديو، والله فرحنا ألف ألف مبروك...........
د.ناصر: الله يبارك فيك مين معايا لطفاً ؟؟؟
المتصل: ولو يا أحلى دكتور يا غالي بتنسى صوت أعز أحبابك أعز أصحابك بتنسى عشرة العمر؟؟
د.ناصر: معلش لا تؤاخذني مين معايا لطفاً ؟؟
المتصل: أنا أبو الشباب يا دكتور يا غالي يا أحلى دكتور.......
د.ناصر: أبو الشباب ما غيره اللي من سبع سنين وتحديداً من حد ما طلعوني على التوتة وسحبت مني مهامي الوظيفية لم أر له وجهاً ولم أسمع له صوتاً !!
أبو الشباب: والله والله ما دقيقة رحت عن بالي أنت الحبيب الغالي انت بابا انت ماما أنت أنور وجدي
د. ناصر: صادق والله عشان كده لمن كنت بتشوفني من بعيد بتروح عالرصيف التاني.مع السلامة الله يبارك فيك.
في أقل من ساعة رن جرس التيلفون والموبايل ما لا يقل عن 7000 مرة وكلهم على شاكلة أبو الشباب، عندما كبوت وهربت مني الصلاحيات تركوني وطعنوني وهدموني وشوهوني وأنا الذي كنت خادم لهم لم أقل لأحدهم يوماً لا... أسف لا أقدر.
خرجت من المنزل وإذا بالعشرات اللي بميل عليا وببوسني واللي بصف السيارة وبحلف طلاق يركبني واللي واللي واللي................
وصلت للمنصب الجديد وإذا بجميع الموظفين يستقبلونني بالتصفيق الحاد وبأيديهم الورود واللافتات التي تؤكد أنني الجينيس مان وعبقري زمانه واللي ماولدتهوش ولاده والمنقذ والمخلص ...........
بدأ الموظفون بمصافحتي وعبارات الإطراء والمديح تنهمر عليا أكثر من أمطار منخفض ألكسا
= ما أحلى شعرك يا دكتور ذهبي وطويل ومهدول (أنا أصلع ملط)
= عينيك زرقا زي السما الصافية (عنيا سودا زي قرن الخروب)
= أناقتك غير طبيعية(عمري ما اهتميت بهندامي)
= شباب شباب يادكتور( بلغت من الكبرعتيا)

بعد عدة أيام جاءتني السكرتيرة الناعمة قصدي مصنع التجميل المتنقل وأخبرتني أن المؤسسة قررت تنظيم احتفال بمناسبة مرور أسبوع على تسلمي العمل ، وهذا الاحتفال مطلب جماهيري أرجوك يا دكتور ما تحرمناش منو.
الاحتفال (الكلمات)
* كل اللي كانوا قبلك مجرمين لصوص مرتشين. * أنت منقذ المؤسسة من الضياع .
* انجازاتك تتحدث عن نفسها * بالروح بالدم نفديك يا مدير............
آه لا أأأ مين وقتيش ايش فيه آآه.... المنصب ... المؤسسة...
- مالك مالك يا أبو محمود اسم الله عليك وعلى اسمك
- أنا وين أنا وين الحفلة السكرتيرة عنيا الزرقا شعري الأصفر
- بتضحك ام محمود وبتقول كنت بتحلم يا أبو محمود خير اللهم اجعله خير
- بحلم يعني كل الهيلمان والصولجان والعز اللي كنت فيه كان حلم، يعني جوالي حيضلوا صامت مبرنش!! يعني مفيش احتفالات !! يعني مفيش أبو الشباب وأشكاله!! يعني مفيش مصنع تجميل متنقل!! مفيش أصحاب !! مفيش عزايم !! مفيش سهرات!! مفيش طلعات!! مفيش من تحت الطاولة!!مفيش مفيش مفيش......!!
- يا خسارة يا ألف خسارة يا ريتو كان حقيقة.
- إم محمود : يا راجل وحد الله إنت في أكبر نعمة، إيش فايدة كل اللي حلمت فيه إذا كان نفاقاً زائفاً ؟
- يعني عاجبك هالحال اللي أنا فيه؟
- احمد الله واطمئن إن الله لا يضيع أجر من أحسن عملاً ، أليس هو القائل : فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ . صدق الله العظيم