بالفيديو .. عكاشة: اتفقت مع الشرطة للهروب في عهد مرسي

رام الله - دنيا الوطن
سرد الإعلامي توفيق عكاشة، خلال حواره ، مع الإعلامي أحمد موسى، على فضائية «صدى البلد» تفاصيل هروبه من القناة قبل القبض عليه على الهواء خلال حكم الرئيس المعزول محمد مرسي.

وقال عكاشة: «عز مخرج البرنامج كلمنى في الإير بيس، وقالي اطلع فاصل، وقالي لو مطلعتش هدخلك دلوقتى على الهوا، طلعت فاصل، لقيته هو وحياة الدرديري بيقولولي اخلع دلوقتى، لأن ضباط الشرطة ماليين القناة». 

وأضاف: «قوات الشرطة خدت حياة الدرديري على جنب، وقالولها اعتبرينا فتشنا، واحنا هنعتبر أن كلام عكاشة مسجل، وبلغي الدكتور توفيق عكاشة يخلع دلوقتى عشان هنرجع كمان 7 دقايق».

وتابع: «وقالوا لعز وحياة، خلوه يركب عربية غير عربيته، والعربية بتاعته السواق يخرج بيها من مدينة الانتاج الإعلامي، واحنا هنراقب العربية اللى هو مش فيها».

ويواصل: «ركبت عربية مدير القناة، والعربية القزاز بتاعها متفين من ورا، وربنا قدرني واختفيت، لكن مكنتش قلقان ان هيتقبض عليا».