عمرك ما تعطي ثقتك الكاملة لحدا ..

عمرك ما تعطي ثقتك الكاملة لحدا ..
صحيح أنو بس تثق وتأمن لحدا بترتاح وبتحس بإستقرار نفسي
بس تصدقو شعور ( الخيانة والخديعة )
بقتل ... بكسر الظهر .. والي جرب هالشعور بعرف أنا عن شو بحكي
حاول أو حاولي تتخيلو حالكم طايرين بالسما بين هالغيوم بكل راحة بال وفجأة بتوقع من على هالغيمة ....
بتتفاجئ أنو حدا ماكنت تتوقعه أستناك تدير ظهرك وعملها ...
هاد بالنسبة للثقة ... إما بالنسبة لوجعك
أنت رح يكون نفس وجع لو وقعت من السما ع لوح مثبت عمودي بالأرض
رح يقسملك ظهرك نصين ....مش رح تموت بس رح تكون محتاج وقت طويل لتوقف ع إجريك وتستوعب صدمتك
دايماً خلي حيز للثقة
مش بقلولك " حرص ولا تخون "
بتشديد الواو .... وقتها أنت بتكون مأمن ع حياتك من كتير جروح وصدمات ..جد
توقع كل شي من الناس ... لأنو ما حد بقيان لحدا .......
الإ ٣ بتقدر تثق فيهم ثقة عمياء
عمرهم ما رح يغدروك.....
ربك - أمك - نفسك
ربك : طيعه
أمك : برها
نفسك : حافظ عليها من الإذى
بعرف أنو كلامي كان سلبي شوي
وقاسي بس وجع صدماتي بالبشر
ما عرفت أوصل هالحكي بطريقة أخف

ضــــــيـــــاء الـــــقــــمـــر