عبد الكريم حمدان شاهد على أحد "جرائم " تنظيم "داعش" .. فماذا قال ؟

رام الله - خاص دنيا الوطن
عبر الفنان السوري عبد الكريم حمدان عن غضبه من تنظيم الدولة الإسلامية في العراق والشام "داعش" .

حيث روى لجمهوره موقف نقله له أحد أصدقائه .

وتحت عنوان " فشة خلق" بدأ عبد الكريم الحديث فكتب :" واحد من أصحابي اللي هنن بحلب و حصريآ منطقة تادف اللي مسيطرة عليها حالش أو داعش ومدري شو بقلي اليوم جمعوا الناس و أعدموا شاب عمره 17 سنة ب السيف  و السبب ع حسب حكيهن قال لأنه كفر ".

واستطرد :" ولك يا أوباش أي دين و أي شيخ أو عالم أو رسول و لك بيرضى تعملوا اللي عم تعملوه بهالشعب ولك حتى رب العباد اللي بالرحمة و المحبة و التسامح أمرنا ما قلكن تعملوا هيك
ودائمآ ب يدعينا للتوبة و مأكرمنا بالغفران ولك حتى الرسول ( ص ) لما كان يغزو عالكفار ما عمل اللي أنتو عم تعملوه
بقى أي دين و أي رب عم تعبدوه عم يأمركم أنتو ومشايخكم و أمرائكم التافهين تعملوا هيك الشي اللي متأكد منه أنو الدين متبري منكم ومن أمثالكم يا أوباش وأنو الرسول بيوم القيامة ما ح يكون شفيع لحدا بيقتل بأسمه و أسم الأسلام يا كفاااار ".

وختم  :"يارب تهلك كل طاغية و جبار عم يستقوي على هالشعب المستضعف يا رب وتهلك كل مين عم يقتل ب #سوريا بأسم الدين أو الدولة يارب ما ضل لهالشعب معين غيرك يا رب
فارحمهم و انصرهم على كل من طغى وتجبر ولم يعرف أن هناك رب في السماء سيأخذ لهم حقهم يوم القيامة "

ودعا جمهوره لمشاركة كلامه والدعاء لصلاح سوريا .