أحمد حلمي غاضب بسبب تشبيه المتحرشين بـ"الكلاب"

رام الله - خاص دنيا الوطن
بعد أبشع حادثة تحرش في ميدان التحرير , كتب الممثل المصري أحمد حلمي  :"من صغري وانا بحب الكلاب .. وكنت بربي كلاب كتير جدا “ ذكور واناث” وفي تاريخ تربيتي للكلاب بكل اشكالها وانواعها .. عمري ماشفت كلب مُتحرش
.. ممكن حد يقولي ماهو ده لانها كلاب متربيه ومتدربه وعايشه في التكييف .. اقوله لآ .. دي كلها كانت كلاب شوارع .. كلاب بلدي زي مابيقولوا عليها.. كلاب جعانه وعيانه ونايمه تحت العربيات في الشوارع ..".

واستطرد :" وكنت مربيهم في حتة ارض فاضيه جنب العماره .. مكنتش مربيهم لافي شقه ولا في ڤيلا ولا حتي فوق السطوح.. وكانوا سكان العماره بيآكلوهم من فضلات الاكل بتاعتهم ..
اكتشفت ان الكلاب اللي معندهاش عقل ومبيحكمش تصرفاتها غير الغريزه طلعت محترمه وعندها مبدآ.. عمر غريزتها ماغلبت علي مبدآها.. حد عمره سمع ان في شوية كلاب اتلموا علي كلبه ونهشوا لحمها .. الكلب اللي معروف عنه انه نجس .. طلع محترم وعنده مبدآ .. ".

وختم :" مش عارف اوصف المتحرشين دول بآيه .. لو قلت عليهم كلاب .. حقيقي هابقي بمدحهم وبشتم الكلاب ".

وكانت فتاة قد تعرضت أثناء تنصيب السيسي رئيسا جديدا لمصر
إلى تحرش جماعي حين تم تعريتها تماما من ملابسها خلال الاحتفالات التى شهدها الميدان بمناسبة تنصيب السيسي رئيسًا.