سما المصري تُحذر السيسي وتكشف :"حبعد عن السياسة مش خوف من مرتضى أو أي كلب على شاكلته"

رام الله - خاص دنيا الوطن - رفيف عزيز
بعد ان انقطعت فترة طويلة عن التواصل بشكل مباشر مع جمهورها , عادت الراقصة سما المصري بتصريحات جريئة بعد إخلاء سبيلها بسبب مرتضى منصور وإغلاق قناتها "الفلول"

فكتبت مخاطبة جمهورها :" رغم ان الأيام الي فاتت هي اصعب ايام حياتي وخسرت فيها حجات كتير لكن انا مش زعلانه لانها وضحتلي امور كتير مكنتش شيفاها وزي متسرقت ثورة ٢٥ يناير من الاخوان للأسف انا بالنسبالي ضاعت ثورة ٣٠ وبيسرقها الفلول و اتباع الحزب الوطني و البلطجية والاشكال بتاعت زمان "

وأضافت :" اخر كلامي انا مش ندمانة علي شيء والحمد لله مستورة ولكن اتمني ان المشير يكون اكثرا مكراً وفاهم الي بيدور حوليه عشان ميخسرش كل حاجه"

واستطردت :" مرتضي منصور واشكال كتير الايام دي ايامها لكن اتوقع السيسي هيرضيهم ويحقق هدفه وهيداس عليهم بالجزم انشالله ولو معملش كده هيخسر كل شيء "


ووجهت الشكر لجمهورها :" وقبل مااقفل بشكر الشباب الي حضرت جلساتي ووقفت جنبي الفتره الي فاتت لان الشده هي الي بتبين الصحاب والاصدقاء الحقيقين ".

وأضافت :" واوعو تنسو ان ٩٠٪من كليباتي كانت علي الاخوان وخليكم فاكرين ده كويس والعملية قريبة وهيبان الحق من الباطل
وانا مازلت متفائلة في السيسي وده طبعا هيبان بعد ماينجح لابد انه يحارب الحزب الوطني وفلول نظام مبارك زي مهيحارب الارهاب والا هيخسر كل شيء "

وحين سؤالها عن نشاطاتها مستقبلا أجابت :"حاليا بحضر قناه علي اليوتيوب وهعمل كليبات علي مرتضي واشكاله والفلول "


وغردت :" إذا جاءك سهم قاتل إلى جسدك فسوف تجد من ينزع السهم ويعيد لك الحياة والإبتسامة وانا السهم الي صابني من كلاب وناس مبتدورش الا علي مصالحها "

وأضافت :" علعموم ياشباب بجد والله اطمنو عليا خلاص انا كنت زعلانه ونفسيتي تعبانة ولكن فعلا هديت ولقتها مش مستهله انا عملت الي عليا وقلت الي عندي وخلاص وسامحوني لاني قررت اني ابعد عن السياسه ومش خوفا من مرتضي ولا اي كلب علي شاكلتة لا لا لاني الي كنت عاوزاه عملته وخلاص "

وتوعدت منصور :" وانا ورحمة ابويا حقي مش هسيبة ولكن احتراما لناس معينة طلبو مني اهدي لحد ما الامور توضح ونشوف هيحصل ايه عشان مظلمش حد واحكم علية غلط ".

وختمت :"والايام القادمة اوعدكم هكون اكثر تفرغاً لاني هنتبه فقط لنفسي ولأسرتي وهكون فقط المواطنه ساميه عطيه مع السلامه مواااه "