حسن الشافعي يُشعل "تويتر" لشرح معنى "الأنتخة"

رام الله - خاص دنيا الوطن - رفيف عزيز
أشعل الموزع الموسيقي المصري حسن الشافعي "تويتر" بكلمة مصرية قالها في إحدى تغريداته لتتحول بعد ذلك إلى هاشتاغ شهد الكثير من التفاعل.

بدأ الأمر حين غرد حسن في يوم إجازته :" الجمعة = استرخاء  = كسل أنتخة " وأتبعها بتغريدة أخرى يشرح فيها :"أنتخة يعني كسل بالمصري أنتخ-أنتوخ-أنتخة ".

وبدأت بعدها التعليقات تنهال في شرح كلمة أنتخة في يوم الجمعة حيث داعب حسن جمهوره فكتب :" النهارده يوم الاييييه؟ " وأتته الردود :" الاااااااااااانتخة ياعم " وعمم حسن اليوم :"النهارده يوم الأنتخة العالمي و أهم من الأنتخة عيد الأم طبعا كل سنة و كل أم طيبة ".

وطلب من جمهوره شرح "الأنتخة" :"يا جماعة في ناس لسه مش عارفين يعني ايه #الأنتخة حد يشرح " وأتى الشرح بالصور :
الكسل يعني أنتخ انتوخ متأنتخ
يعنى الاسترخاء و كدا يعنى
اﻷنتخه انك تاكل ف سريرك وتتفرج علي التلفزيون ف سريرك ...اﻷنتخه مزاج
يعني استجمام وهدوء وراحه وخزعبلات
لأنتخة هي انك تفضي دماغك من كل اللي فيها و تفصل عن اي حاجة ممكن تعكنن عليك
تقعد في البيت .. بعد المدرسه و تشغل التلفزيون و تحط الهيدفون في ودنك و شوية فشار و شكولاته :)) طبعا ده كله على السرير

هو زي النوم بس تكون مرتاح ومفتح عنيك وقاعد ع الكنبه لا شغل ولا مشغله
الانتخة عبارة عن ان الواحد ياكل ويشرب ويتوت وكل حاجة ع السرير

و عبارة عن لاب توب ونت بلا حدود وسرير مريح والسماعات في ودني بسمع سلطان العرب احمد جمال

ان الباب يخبط ومتقومش تفتح ولو حيهدوا البيت عليك بردو مش قايم من ع الكنبة والتلفزيون بروطة يعنى

الانتخه هي تجاهل كل ما حولك و مراقبة العالم من فوق الكنبة أو السرير

أما حسن فكتب مفهومه هو:"الأنتخة لبعض الناس إن جسمك يأخذ شكل الكنبة اللي أنت نايم عليها اليوم كله "