شاهد : بعد تدمير منزل عائلته بالكامل في سوريا .. كلمات غاضبة من عبد الكريم حمدان

رام الله - خاص دنيا الوطن - رفيف عزيز
بعد أن قُصف منزل عائلته للمرة الأولى دون إصابات , تم استهداف منزل عائلة الفنان السوري عبد الكريم حمدان مرة أخرى حيث عرض صورا مُروعة لما آل له المنزل .

وكتب بنبرة حزن يتخللها غضب :" هي المرة التانية الي بينقصف فيها بيتي وبيت أهلي بس هل المرة ماضل شي فوق الأرض  ".

وأضاف :" هي سوريا مالها اسرائيل افهموا ياناس
كل مرة بقول أنا فنان وما بدي أحكي بشي أله علاقة بالسياسة
على مبدأ أنو خلينا ندعي بالمحبة والتسامح و الخير ل هالبلد اللي خرب ولسه نحن عم نتقاتل على أنو هاد مؤيد و هاد معارض
بس انك تشوف البيت اللي تربيت فيه والحارة اللي لعبت على ارضها واللي كنت لما توقع ما كان غير هالأرض تحملك وتشيلك بحنانها صار حتى هو عالأرض و صار العمار تراااااب  ".

وعاد يرثو منزل طفولته :" بتبكي من كل قلبك على شقا عمرك و عمر أهلك وأجدادك لحتى يأمنوا لك بيت تسكن فيه و يأويك بفرحك وحزنك وجرحك و ألمك  ".

وتساءل: "اي حب و اي تسامح و أي خير لسه بده الواحد يدعي أله ارحموا من في الأرض يرحمكم من في السماء طبعآ هاد اذا بتعرفوا شي أسمه محبة ولا خير لهالبلد ما كفاكن خراااب لهالبيوت و تشريد وقتل لهالناس شو بدكن لسه!!!!
بيوت وحارات ما فيها حدا لا مؤيد ولا معارض حتى ما سلمت منكن ومن شركن شو بده الواحد لسه يحكي حسبنا الله عليكم بس
هالبيت متله متل بيوت السوريين وما حيكون احجاره اغلى من قطرة دم طفل او جرح أم او دمعة شيخ و حرقة قلب أب تتهنوا بحجاره و حجار كل بيت سوري لأنه رح نرجع نعمره على قبوركن يا عديمين الرحمة  "