دقيقة من وقتك لو سمحت....!

السلام عليكم ورحمة الله وبركاته...
واسعد الله مسآئكم بكل خير جميعا ...
منذ ايام وانا بفكر بكل شي هنا من معلقين ومعلقات ,ومعاملتهم مع بعض وتصرفاتهم وسلوكهم والتزوير اللى شغال تقريبا ع الكل والتكفير للبعض ,فحبيت اشاركم بتفكيرى لعلو وعس نقدر نصل لحل او اقل ما فيها نفهم ونعرف السبب اللى وصلنا لهيك مستوى من التواصل .
احنا هنا باريد حلا جمعتنا الصدفة , ونشأت علاقة اخوية وصداقة رائعه بين الاغلبيه ,رغم انو اللى بيربط بينا مجرد حروف وكلمات فقط لا غير .واصبحنا نتبادل الاراء والخبرات وحتى العادات وبنتعرف ع شخصيات متنوعه من البشر .
وهنا بدات الصدمه لقيت انواع من الشخصيات هنا بصراحه مش عارفة بشو اوصفهم ,عما يكرهو البعض وهم لا بيعرفوهم ولا عمرهم قابلوهم مجرد اسم مستعار بيفوتو في قد يكون هاد الاسم بعيد كل البعد عن شخصيتهم الحقيقة ,او فعلا حاجه قريبه منهم او صفه بيحبوها او اسم مميز عندهم .
عندهم حماس شديد وبدرجه عالية جدا بانتهاك حياة الاخرين .والاساء الهم وجرح مشاعرهم والافتراء عليهم وللاسف كمان حتى اصبحنا ما بنتقابل لا الاخرين ولا حتى اراءهم .وبنتناقش بطريقة سيئ جدا خالية من الاداب والتقبل والاحترام .
حتى لم جميع المعلقين والمعلقات بيعطو اراءهم حول المشكله المطروحه ان وجد ,بيكون الاغلبية كلامه واراءه بتدل ع الثقه بربنا والقضاء والقدر والصبر وحث اللى بيعانى من المشكله التحلى بالاخلاق والصبر والامل وكل صفه حلوة وجميله ..وحتى لم بنحضر مسلسل او فلم بعتقد انو الاغلبيه بينجذبو وبيحبو الشخصية الطيبه المحترمه المظلومه ,وبيكرهو الشخصية القاسيه والجاحدة الشريرة ,هنا السؤال بيفرض نفسه ..؟؟طب لي ما نكونو فعلا بحياتنا مثالا للطيبه والاحترام ونبتعد عن كل شي ممكن يسي الينا كمسلمين اولا وكبشر بيتحلى بالانسانية ...
لي هيك عما يصير وشو السبب لوصولنا لهدرجه السي من التواصل وقله الاحترام والظلم والكره اللى بنظرى ما الو اى سبب او داعي ابدا .
بعرف طولت عليكم بكلام ولكن بتمنى من الجميع وبما فيهم انا لو دقيقة واحدة بس من وقتك اجلس مع نفسك وفكر شو نتيجه كل هاد ولي عما تعمل هيك ,وهل توقفت اهتماماتنا وعقولنا عند هذة النقطه وهى اساءة الاخرين وتجريحهم.؟
ما خطر بباك/ى تاثيرك ع الشخص اللى عما تظلمه وهل تجد فى اهانه وظلم البعض امرا مسليا مرحا او مضيعا للوقت ام ..ماذا؟؟؟
مــــــــــــــلاحظـــــــه..مش عيب الانسان لم يغلط لانو احنا بشر وربنا خلقنا وفينا هاى الصفه ولكن العيب والحرام ايضا انك تكون عارف الغلط وتستمر في ..وتذكر /ى دائما انك مجرد بشر ..وفي رب كبير هو اللى بيحاسب وبيعاقب وبيغفر مش انت اللى تحاسب الناس .......
اسفه جدا ع الاطاله وبحب اوضح ما بقصد اى شخصية معينه هون ابدا الكلام للجميع بما فيهم انا واذا ضايقت حد بكلامى بتمنى يعتبرو مجرد فضفضه ..
احتــــــــــــــــــرامي وتحيــــــــــــاتي للجميــــــــع
*•●♥ღاميرة*قلمي*عاشقة الغروب*•●♥ღ